Ngaahi Nāunau Foʻou
Tuku Atu e DVD ʻo e Fuakava Motuʻá ʻi ha Ngaahi Lea Fakafonua Foʻou
Kuo lava ʻeni ke maʻu atu e seti DVD ʻo e Ngaahi Maʻuʻanga Tokoni ki he Sió ʻo e Fuakava Motuʻá ʻi ha ngaahi lea fakafonua ʻe 11 pea ʻe maʻu ʻi ha taimi nounou mei heni ʻi ha ngaahi lea fakafonua ʻe 10.
ʻOku lava ke maʻu atu ia he taimí ni ʻi he lea Talanoa Fakaʻilonga Nima Faka-ʻAmeliká, Kenitoni, Pilitānia, Falanisē, Siamane, ʻĪtali, Manitalini, Potukali, Haʻamoa, Sipeini, mo e faka-ʻIukuleiní; ʻe lava leva ke maʻu atu ʻi he vahaʻa taimi ko ʻeni mo e fakaʻosinga ʻo e taʻú ʻi he ngaahi lea faka-Tenimaʻake, Hōlani, Finilani, ʻInitonēsia, Noaue, Lūsia, Suēteni, Takāloka, Taileni, mo e faka-Tongá.
ʻOku ʻi he seti DVD ko ʻeni ʻe tolú ha ngaahi maʻuʻanga tokoni ki he sió mo ha ngaahi vitiō ʻe 54 ke tokoni ki he kāingalotú ʻi heʻenau ako e Fuakava Motuʻá pea ʻoku lava ke maʻu atu ia ʻi he ngaahi senitā tufakiʻanga nāunau ʻa e Siasí pe ʻi he store.lds.org.
Lava ʻo Maʻu ʻa e Ngaahi Folofola ʻe Tolu Kuo Fakatahaʻí ʻi he Lea Faka-Haʻamoá
Kuo lava ʻeni ke maʻu ʻa e pulusinga faka-Haʻamoa ʻo e ngaahi folofola ʻe tolu kuo fakatahaʻí—ʻa e Tohi ʻa Molomoná; Tokāteline mo e Ngaahi Fuakavá; Mataʻitofe Mahuʻingá; mo e Fakahinohino ki he Ngaahi Folofolá, ha tokoni fakaako, ʻa ia kuo fakatahaʻi—mei he ngaahi senitā tufakiʻanga nāunaú pea mo e store.lds.org.