Ngaahi ʻEkitivitī Fakatupulaki maʻá e Fāmilí
ʻE lava ke ongoʻi ʻe he ngaahi fāmili ʻoku nau kau fakataha maʻu pē ki he ngaahi ʻekitivitī ʻoku fakatupulakí, ha ʻofa mo ha uouangataha lahi ange. ʻOku ʻomi ʻe he ngaahi ʻekitivitī fakafāmilí ha faingamālie ke talanoa ai e mātuʻá mo e fānaú kau ki he ongoongoleleí, pea ʻe faʻa fie fanongo ange ʻa e fānaú mo talangofua ki he mātuʻá ʻi he taimi ʻoku nau ongoʻi ofi ai kiate kinautolú.
ʻOku kau ʻi he ngaahi ʻekitivitī fakatupulaki ʻa e fāmilí ʻa e:
-
Efiafi fakafāmili ʻi ʻapí: Naʻe pehē ʻe Palesiteni Kōtoni B. Hingikelī (1910–2008) , “ʻOku mahuʻinga ʻaupito ke tangutu hifo ʻa e tamaí mo e faʻeé mo ʻena fānaú, ʻo nau lotu fakataha, pea akoʻi kinautolu ʻi he ngaahi founga ʻa e ʻEikí, fakakaukauʻi ha ngaahi palopalema fakafāmili, pea fakaʻaliʻali ʻe he fānaú honau ngaahi talēnití.”1
-
Ngaahi ʻekitivitī ngāue tokoni fakafāmili: ʻE lava ke mou ʻaʻahi ki ha mēmipa toulekeleka ʻo homou uōtí pe hiko veve takai holo ʻi homou feituʻú.
-
ʻEva fakatāutaha mo e Fineʻeikí pe Tangataʻeikí: ʻE lava ke faʻufaʻu heni ha vā fetuʻutaki fakafoʻituitui mo fakatāutaha mo e mātuʻá.