Pagdala sa Primary ngadto sa Panimalay
Si Jesukristo Nagtudlo Kanako sa Pagpili sa Matarung
Inyong magamit kini nga leksyon ug kalihokan aron makat-on og dugang kabahin sa tema sa Primary karong bulana.
Alang kang Tanner, ang Pasko sa Pagkabanhaw lahi karong tuiga. Ang iyang lolo namatay, ug nagguol si Tanner nga dili na siya makapaambit niining espesyal nga panahon uban sa iyang apohan.
Apan atol sa Primary, si Tanner napahinumduman nga ang rason nga mosaulog kita sa Pasko sa Pagkabanhaw tungod kay buhi si Jesus! Sa dihang Siya nabanhaw, ang Iyang espiritu nahiusa pag-usab sa Iyang lawas hangtud sa kahangturan, dili na makasinati pag-usab og kamatayon. Si Tanner nakakat-on nga tungod kay si Jesus nabanhaw, moabut ang adlaw nga ang tanan mabanhaw, lakip ang iyang lolo!
Usa ka kanta alang sa Pasko sa Pagkabanhaw ang nakapalipay ni Tanner samtang siya mikanta: “Jesus nabanhaw, nga higala. Nalipay mi; Buhi Siya.”1 Gusto ni Tanner nga ipakigbahin kining maayo nga balita ngadto sa tanan. Siya mihukom nga sa dili pa ang Pasko sa Pagkabanhaw, butangan niya ang hagdanan sa iyang silingan og gamayng pundok sa mga bulak nga may kasulatan kabahin sa Pagkabanhaw ni Jesus. Siya naghunahuna sa mga pahiyum sa ilang nawong kon ilang makita ang iyang regalo sa buntag sa Pasko sa Pagkabanhaw.