O au o se tagata na fanau i le Ekalesia. O nisi taimi ou te le faatauaina ai le tele o faamanuiaga o le talalelei i lo’u olaga. Ae ina ua ou mafaufau i nei mea, ua ou iloa ai e le mafai ona lava lo’u faafetai i lo’u Tama Faalelagi mo mea uma ua ou maua. O se tasi o na faamanuiaga o le mekasini musuia o le Liahona. E maoae lo’u mauaina o tali tonu ou te manaomia i taimi taitasi ou te faitauina ai. Faafetai atu mo nei savali.

O le Liahona ua suia ai lo’u olaga ma olaga o lo’u aiga. O se meafaigaluega maoae, aua e mafai e se tasi ona aoao ma maua ai le malamalama. Faafetai atu mo le mekasini aua ua faamalolosia i matou, ma ua faatupulaia a matou molimau i le Ekalesia.