2013
Ukuguqulelwa eNkosini
Februwari 2013

UMyalezo wabaNdwendweli Makhaya, Februwari 2013

Ukuguqulelwa eNkosini

Funda lo myalezo, kwaye ngokufanelekileyo uxoxe ngawo kunye noodade obandwendwelayo. Sebenzisa lemibuzo ukukunceda womeleze odade bakho kwaye nokukwenza Umbutho wooMama usebenze kwindawo yawo ebomini bakho. Ukufumana olunye ulwazi, iya ku www.reliefsociety.lds.org.

Umfanekiso
Istempu soMbutho wooMama

Ukholo, Usapho, Uncedo

Oodade abatsha beCawa—kunye noMbutho Wamantobi angena kuMbutho wooMama, oodade ababuyela kwinkqubo, kunye nabatsha abasandula ukuguqulwa—bafuna uxhaso nobuhlobo babandwendweli makhaya. “Inxaxheba yamalungu ibalulekile kugcino lwabaguqukileyo kwaye nasekuziseni amalungu angasahambi kakuhle iCawa abuyele kwinqubo epheleleyo,” watsho uMdala M. Russell Ballard weQumrhu LamaPositile aLishumi Elinesibini. “Bamba umbono woMbutho wooMama … ukubabanga [yenye] ye[e]mbangi zobudlelwane bobuhlobo obunamandla esinazo eCaweni Fikelela msinyane kwabo abafundiswayo nababuyileyo, kwaye ubathande bangene eCaweni ngombutho wenu.”1

Njengamalungu oMbutho wooMama, singanceda amalungu amatsha bafunde ngokuziqhelisa iizinto esizenzayo zeCawa, ezifana:

  • Ngokunika intetho.

  • Ukwabelana ngobungqina.

  • Ukuphila umthetho wozilo lokutya.

  • Ukuhlawula isishumi neminye iminikelo.

  • Ukuthatha inxaxheba kumsebenzi wembali yosapho.

  • Ukuphehlelelwa nokuqiniswa ngoMoya oyiNgcwele usenzela izinyaya ezingasekhoyo.

“Kuthatha abahlobo abamamelayo ukwenza amalungu amatsha bazive bekhululekile kwaye bazive besamkelwe ecaweni,” watsho uMdala Ballard.2 Sonke thina, kodwa ingakumbi abandwendweli makhaya, banomsebenzi obalulekileyo wokuseka ubuhlobo namalungu amatsha njengendlela yokubanceda baqine “ekuguqulweni kwabo eNkosini” (Alma 23:6).

Kuvela kwiZibhalo eziNgcwele

2 Nephi 31:19–20; Moroni 6:4

Kuphuma Embalini Yethu

“Ngenxa yenani elisoloko lisanda labaguqukileyo,” wathi uMongameli, wathi uMongameli Gordon B. Hinckley (1910–2008), “kufuneka sizame kakhulu ukubanceda njengokuba befumana indlela yabo. Wonke omnye wabo uswele izinto ezine: umhlobo, umsebenzi, kwaye nokongiwa ‘ngelizwi elimnandi likaThixo’ (Moronayi 6:4).”3

Abandwendweli makhaya basemekweni yokunceda abo ababajongileyo. Ubudlelwane bobuhlobo amaxesha amaninzi buza kuqala, njengokuba kwenzeka kudade osemncincane kuMbutho wooMama owayengumndwendweli womnye udade osemdala. Babecotha ukwakha ubudlelwane bobuhlobo bade basebenza ecaleni komnye kwinkqubo yokwakha. Babangabahlobo, kwaye njengokuba babencokola ngoMyalezo wabaNdwendweli Makhaya, bobabini babesongiwa ‘lilizwi elimnandi likaThixo.”

UMongameli Joseph Fielding Smith (1876–1972) wathi uMbutho wooMama “yinxenye ebalulekileyo kakhulu kwikumkani likaThixo emhlabeni kwaye … unceda amalungu awo anyanisekileyo ukuba bafumane ubomi banaphakade kwikumkani likaBawo.”4

© 2013 yi Intellectual Reserve, Inc. Onke amalungelo agciniwe. Kubhalwe eUSA. Isivumelo sesiNgesi: 6/12. Isivumelo Sokuguqula: 6/12. Inguqulelo ka Visiting Teaching Message, February 2013. Xhosa. 10662 774

Izikhumbuzo

  1. M. Russell Ballard, “Members Are the Key,” Liahona, Sept. 2000, 18.

  2. M. Russell Ballard, Liahona, Sept. 2000, 17.

  3. Gordon B. Hinckley, “Every Convert Is Precious,” Liahona, Feb. 1999, 9.

  4. Joseph Fielding Smith, in Daughters in My Kingdom: The History and Work of Relief Society (2011), 97.

Yintoni Endinokukwazi Ukuyenza?

  1. Ndiyamthandazela na umlingane wam kwaye ndicele uMoya asikhokele njengokuba sishumayela koodade bethu?

  2. Ngeziphi iindlela esinceda ngenkonzo udade ngamnye esimjongileyo ukuze ayazi ukuba siyakhathala ngaye ngenyaniso.