Mga Sumpay sa Gugma

Patabang sa usa ka hamtong sa paggunting og 28 ka nipis nga papel, ang kada usa mga 1 ka pulgada (2.5 cm) ang gilapdon ug mga 8 pulgada (20 cm) ang gitas-on. Kada adlaw karong bulana, pagserbisyo aron maipakita ang inyong gugma para sa usa ka tawo. Kamo mahimong motabang sa inyong mga ginikanan sa paglimpyo sa balay o sa paghimo og mubo nga mabinationg sulat ngadto sa usa ka silingan.

Isulat kon sa unsang paagi kamo nagserbisyo matag adlaw diha sa inyong ginunting nga mga papel, ug dayon ipapilit ang isigka tumoy sa ginunting nga mga papel aron maporma og lingin. Inyong masumpay ang isigka-lingin pinaagi sa pagpasulod sa pikas tumoy sa ginunting nga papel ngadto sa tunga-tunga sa naporma na nga lingin sa miaging adlaw sa dili pa ipapilit ang isigkatumoy sa bag-ong ginunting nga papel. Tan-awa ang pagtaas sa inyong mga sumpay sa gugma! Mahimo ninyo kining padayunon bisan natapos na ang Pebrero.