Liua
O se tulaga lea e oo i tagata o e ua suia i se taimi lē tumau i foliga ma le natura—o lona uiga, ua siitia i se tulaga maualuga ae faaleagaga—ina ia mafai ai ona latou lavātia le faatasi ai ma le mamalu o tagata faalelagi.
Liua o Keriso
Sa vaai Peteru, Iakopo, ma Ioane i le faamamaluina ma le liua o le Alii i o latou luma. Sa folafola atu muamua e le Faaola o le a tuuina atu ia Peteru ki o le malo o le lagi (Mata. 16:13–19; 17:1–9; Mare. 9:2–10; Luka 9:28–36; 2 Pete. 1:16–18). I lenei faatasiga taua, na tuuina atu ai e le Faaola, Mose, ma Elaia (Elia) ki na folafolaina mai o le Perisitua ia Peteru, Iakopo, ma Ioane. Faatasi ma nei ki o le perisitua, sa maua ai e Aposetolo le mana e faaauau ai pea le galuega o le malo ina ua afio ae Iesu i le lagi.
Na aoao mai foi Iosefa Samita e faapea, i luga o le mauga o liua sa liua ai foi Peteru, Iakopo, ma Ioane. Sa latou vaai i se faaaliga vaaia o le lalolagi i lona foliga o le a foliga mai ai i lona tulaga faamamaluina i le lumanai (MF&F 63:20–21). Na latou vaai ia Mose ma Elia, o tagata e toalua na faaliliuina, ma sa faalogo foi i le siufofoga o le Tamā. Na fetalai mai le Tamā, “O lou Atalii pele lena, ʼOu te fiafia ia te ia; ia outou faalogo ia te ia” (Mata. 17:5).