តើ សាតាំង មាន ឥទ្ធិពល លើគំនិតរបស់ខ្ញុំដល់ កម្រិតណា?
ព្រះវរបិតាសួគ៌របស់យើងធានាថា យើងមានសិទ្ធិសេរីភាពខាងសីលធម៌ ជាសមត្ថភាពដើម្បីជ្រើសរើសទង្វើល្អ ឬអាក្រក់ ។ ទ្រង់មិនបង្ខំយើងឲ្យធ្វើល្អទេ ហើយអារក្សក៏មិនអាចបង្ខំយើងឲ្យធ្វើអាក្រក់ដែរ ( សូមមើល ការបង្រៀនរបស់ប្រធានសាសនាចក្រ ៖ យ៉ូសែប ស៊្មីធ ឆ្នាំ [ 2007 ], ទំព័រ 214 ) ។
ដូច្នេះ ពេលវាកើតឡើងចំពោះគំនិតរបស់អ្នក អារក្សមានឥទ្ធិពលត្រឹមតែពេលដែលអ្នកពេញចិតឲ្យថាប៉ុណ្ណោះ ។ ព្យាការី យ៉ូសែប ស៊្មីធ បានមានប្រសាសន៍ថា « សាតាំងមិនអាចល្បួងយើងដោយការបញ្ឆោតចិត្តរបស់វាឡើយ លុះត្រាតែយើងយល់ព្រមនឹងវានៅក្នុងដួងចិត្តយើង » ។ ( ការបង្រៀនរបស់ ៖ យ៉ូសែប ស្ម៊ីធ ទំព័រ 213 ) ។ លោកក៏បានមានប្រសាសន៍ផងដែរថា « អារក្សគ្មានអំណាចលើយើងទេ លើកលែងតែយើងអនុញ្ញាតឲ្យវាប៉ុណ្ណោះ » ទំព័រ ( 214 ) ។
បន្ថែមពីលើនោះ ព្រះគម្ពីរប្រាប់យើងថា « គ្មាននរណាឡើយក្រៅពីព្រះ ដែលជ្រាបដឹងនូវគំនិតរបស់អ្នក និងបំណងដែលនៅក្នុងដួងចិត្តរបស់អ្នក » ។ ( គ. និង ស. 6:16 ) ដូច្នេះសាតាំងពិតជាមិនដឹងថាអ្នកកំពុងគិតពីអ្វីទេ ។ វាអាចត្រឹមតែផ្ដល់នូវការល្បួង និងការបញ្ឆោតចិត្តប៉ុណ្ណោះ ។ ប៉ុន្តែ បើអ្នកជ្រើសរើសអនុញ្ញាតឲ្យវា វានឹងទទួលបានអំណាចលើអ្នកខ្លាំងជាងមុន ហើយការល្បួងក៏ខ្លាំងជាងមុនដែរ ។ ដោយសញ្ញាដូចគ្នានេះ បើអ្នកតតាំងនឹងទង្វើអាក្រក់ ហើយជ្រើសរើសទង្វើល្អវិញ អ្នកនឹងរឹងមាំ និងបានពរ ។