Kawakinan te Rekooti

E kabotaua ara bong Beretitenti Uchtdorf ma aia tai bwaeoniia. Ngkai ko tuai n rinanon taabo aika aoraoi, ngkoe bon ti tebo ma bwaeoniia n aron are ko iangoia! Ko kona naba ni kaota te nanoanga, te mwakuri korakora, ao te kantaninga. Ao n aron ae ti ataia bwa a kaoti anua aikai bwaeoniia ibukin te rekooti aika a kawakin, a kona am kariki ni kinako rinanon am tieno naba.

Anaa teutana te tai ni koroi rongorongom aika uarereke n am tieno. Ko kona ni koroi taekan bwaai n tamnei, n aron ae ko kanga ni karekea am koaua ke n tokanikai iaon kakaewenako ma ana ibuobuoki te Tama are i Karawa. Ko kona naba ni buokia tibutorum (ake a na bae ni wareka am tieno n te bong teuana!) n ataia bwa tera raoi aron maium ni katoa bong. Tera te karikirake ae ko karaoia n te reirei? E kanga aron tarakin am ruu? Tera te bwai ae mamate nanom iai ni kan uringa n am utu?

Ngkana ko a moanna ni koroboki teutana ni katoa bong, ko aki n ae ko na ti kona n noria raoi bwa e kanga te Tama are i Karawa ni buokiko ni maium ni katoabong, n aron are E kairiia bwaeoniia, ma ko na ni katuka naba te kaburebwai anne ibukin oin kanoam nakon taai aika a na roko.