O Taulaga Anapogi e Suia ai Loto

“I le Ekalesia i nei aso ua ofo mai ai ia i tatou le avanoa e anapopogi ai faatasi i le masina ma tuu atu se taulaga anapogi limafoai i lo tatou epikopo po o le peresitene o le paranesi mo le manuia o lē mativa ma lē tagolima. …

“… O se vaega o lau taulaga anapogi ma la’u taulaga i lenei masina o le a faaaogaina e fesoasoani ai i se tasi, i se mea, o ē o le a lagonaina e le Alii lo latou toomaga e peiseai o Lona lava Ia toomaga.

“O le a sili atu mea e faia e lau taulaga anapogi nai lo le fesoasoani atu e fafaga ma faalavalava ni tino. O le a faamaloloina ma suia ai loto. O le fua o se taulaga e faia ma le lotomalie atonu o se manao i le loto o le tagata na mauaina ia aapa atu foi i isi o loo mafatia. O loo tupu lena mea i le lalolagi atoa.”