O Uiga Paia o Iesu Keriso: E Agamalu ma Lotomaualalo

Ata

Jesus Christ with the twelve apostles. Christ (depicted wearing a white robe with a yellow sash), is kneeling before one of the apostles as He washes the feet of that apostle. The other eleven apostles are gathered around a table (having just completed the last supper). They are watching Christ. (John 13:1-20)

O Iesu o loo Mulumuluina Vae o le Au Aposetolo, saunia e Del Parson

Na fetalai Iesu, “O lē sili ia te outou, ia avea o ia e pei o le aupito itiiti; o le pule foi, ia pei o le auauna ia. Aua po o ai le sili, o le taoto ea e ai, po o le e auauna mai? e le o lē taoto e ai ea? a o au nei, o loo ia te outou pei o le auauna lava” (Luka 22:26–27).

“O lea le mafuaaga ua avea ai le Faaola ma o tatou faataitaiga silisili o le mana o le lotomaualalo ma le usiusitai. Ina ua mavae mea uma, sa Ia tuuina atu Lona finagalo i le Tama ma taunuu ai le mea silisili ua tupu i le talafaasolopito uma. Atonu o nisi o upu sili ona paia i mea uma i tusitusiga paia e faigofie lava, ‘Le o lo’u loto, a o lou finagalo, ia faia’ (Luka 22:42).”¹

I le avea ai ma soo o Iesu Keriso, tatou te saili e le aunoa e faapei o Ia. “O le agamalu e taua mo i tatou e avea atili e faapei o Keriso,” o le saunoaga lea a Elder Ulisses Soares o le Fitugafulu. A aunoa ma le [agamalu] e le mafai ona tatou atiina ae isi uiga mama taua. O le agamalu, e le faapea ua vaivai, ae o le amioa’i ma le amio lelei ma le agalelei, o loo faaalia ai le malosi, toafilemu, o le taua o le faatauaina lelei o oe lava ia, ma le loto pulea.”² A o tatou galulue e atiina ae lenei uiga, o le a tatou iloa o le “auina atu ma le lotomaualalo o tatou loto i le Tama e aumaia ia i tatou le faateleina o le malosi o le Atua—le mana o le lotomaualalo. O le mana e fetaiai ai ma faigata o le olaga, o le mana o le filemu, o le mana o le faamoemoe, o le mana o se gaepu faatasi ai ma se alofa ma le molimau a le Faaola o Iesu Keriso ma le loto, e oo lava i le mana o le togiola.”³