Tusigāmanatu o le Konafesi o Aperila 2015

2015

Aokuso 2015

Tusigāmanatu o le Konafesi o Aperila 2015

“O le mea ua fai atu ai A’u o le Alii ua Ou fai atu ai; … pe i lo’u lava leo po o i le leo o au auauna, ua tutusa lava” (MF&F 1:38).

A o e iloiloina le konafesi aoao ia Aperila 2015, e mafai ona e faaaogaina itulau nei (ma Tusigāmanatu o le Konafesi i lomiga i le lumanai) e fesoasoani ai ia te oe e suesue ma faaaoga aoaoga talu ai nei a perofeta soifua ma aposetolo ma isi taitai o le Ekalesia.

O Tali mo Oe

E tuuina mai i konafesi taitasi, e perofeta ma aposetolo ni tali musuia i fesili atonu o i ai a tagata o le Ekalesia. Faaaoga lau lomiga o Me 2015 pe asiasi i le conference.lds.org e sue ai tali i fesili nei:

O le a le “mata‘u faaleatua”, ma o le a le auala e mafai ona faamanuiaina ai o tatou olaga? Tagai David A. Bednar, “O Lea Na Latou Faafilemu Ai Lo Latou Matata’u,” 46.
O a ni mea sili ona taua o aga masani faalelotu i le aiga e fesoasoani i tamaiti e iloa ai e alofaina ma saogalemu i latou? Tagai Quentin L. Cook, “O Le Alii o Lo‘u Malamalama Ia,” 62.
E faapefea e le malamalama i le sootaga o le faamasinoga tonu, alofa, ma le alofa mutimutivale ona fesoasoani ia i tatou ia malamalama i le Eseta ma le Togiola a Iesu Keriso? Tagai Jeffrey R. Holland, “Pe a Faatasia le Faamasino Tonu, Alofa ma le Alofa Mutimutivale,” 104.

O Le Ata o le Faaolataga

Ata

Adam and Eve walking together after leaving the Garden of Eden. There are storm clouds in the sky, and plant growth along the path they are walking. There is a waterfall in the background.

Tuua le Faatoaga o Eden, saunia e Joseph Brickey; faamatalaga mai le Lo‘u Tama e, saunia e Simon Dewey

“E le itiiti ifo i le fa ni mea e manaomia mo le manuia o lenei fuafuaga paia,” o le tala lea a Elder D. Todd Christofferson. Sue le tali i lana saunoaga, “Aisea e Faaipoipo Ai, Aisea e Fai ai se Aiga,” 50.

“O le Foafoaga o le _________ e avea ma o tatou nofoaga e nonofo ai.”
“O le Pa‘ū [o Atamu ma Eva] na oo mai ai se iloa o le _________ ma le _________ ma le mana na tuuina mai e le Atua e _________. O le mea mulimuli, o le Pa‘ū na aumai ai le _________ faaletino lea e manaomia ona faia ai lo tatou taimi i la le tino ia lē tumau ina ia tatou le ola e faavavau i a tatou agasala.”
“Ua tatou vaai i le matafaioi a le oti i le fuafuaga a lo tatou Tama Faalelagi, ae o lena fuafuaga o le a le aoga e aunoa ma se auala e faatoilalo ai le oti i le iuga, _________ ma le _________. O le mea lea, na puapuagatia ai le Faaola, o le Alo Pele e Toatasi na Fanaua e le Atua, o Iesu Keriso, ma maliu e togiola mo le solitulafono a Atamu ma Eva, lea ua maua ai le _________ ma le tino ola pea mo tagata uma.”
“Sa faauuina e le Atua ia faaipoipo alii ma tamaitai ma fanauina ai fanau, ma o lea e foafoaina ai, i le faapaaga ai ma le Atua, ia tino faitino ia ua avea ma autu o le _________ o le olaga nei ma e _________ i le mamalu e faavavau faatasi ma Ia.”

Tali: 1. lalolagi; 2. lelei, leaga, filifili, oti; 3. faaletino, faaleagaga, toetu; 4. suega, e taua

Ina ia faitau, matamata, pe faalogologo foi i saunoaga o le konafesi aoao, asiasi ane i le conference.lds.org.