ʻI hoʻo lau ʻa e Tohi ʻa Molomoná, te ke fonongaʻia ha ngaahi aʻusia foʻou. Te ke fononga ʻi he feituʻu maomaonganoá mo e fāmili ʻo Līhai mo Selaiá mo mamata ki hano foʻu ʻe Nīfai ha vaka. Te ke feʻiloaki foki mo ha kau palōfita tokolahi—hangē ko Līhai, Nīfai, ʻApinetai, Samuela mo Molomona. Naʻe ako kotoa e kau palōfita ʻi he Tohi ʻa Molomoná fekauʻaki mo Sīsū. Naʻe aʻu pē ki ha mamata ha niʻihi ʻiate kinautolu kiate Ia. Ko hono moʻoní, ko e ʻuhinga ia ne foaki mai ai ʻe he Tamai Hēvaní ʻa e tohi makehé ni—ke tokoni ki he kakai ʻi he feituʻu kotoa pē ke nau ako lahi ange fekauʻaki mo Sīsū!