តើសាសនាចក្រមានទស្សនវិស័យបែបណាចំពោះ ជំងឺធ្លាក់ទឹកចិត្ត ហើយតើខ្ញុំគប្បីដោះស្រាយជាមួយជំងឺធ្លាក់ទឹកចិត្តដោយរបៀបណា ?
មនុស្សគ្រប់គ្នាមានអារម្មណ៍បាក់ទឹកចិត្តពីមួយគ្រាទៅមួយគ្រា ហើយដំណឹងល្អរបស់ព្រះយេស៊ូវគ្រីស្ទដែលបានស្តារឡើងវិញ និង ជំនួយពីគ្រួសារ ថ្នាក់ដឹកនាំ និង អ្នកដទៃផ្សេងទៀត អាចជួយយើងឲ្យរកឃើញការលួងលោម អំណរ និង ភាពសុខសាន្តជាថ្មីម្តងទៀត ។ ប៉ុន្តែថ្នាក់ដឹកនាំសាសនាចក្របានទទួលស្គាល់ថា ជំងឺធ្លាក់ទឹកចិត្តកម្រិតធ្ងន់ធ្ងរ ឬ វិបត្តិធ្លាក់ទឹកចិត្តដ៏ខ្លាំង ( MDD ) គឺជាស្ថានភាពយ៉ាងធ្ងន់ធ្ងរ ដែលអាចរំខានដល់សមត្ថភាពរបស់មនុស្សម្នាក់ក្នុងការធ្វើកិច្ចការបានពេញលេញទាំងស្រុង ។ អែលឌើរ ជែហ្វ្រី អ័រ ហូឡិន ក្នុងកូរ៉ុមនៃពួកសាវកដប់ពីរនាក់ បានផ្តល់យោបល់ឲ្យធ្វើកិច្ចការមួយចំនួន ប្រសិនបើអ្នកជួបប្រទះនឹងការធ្លាក់ទឹកចិត្តធ្ងន់ធ្ងរ ៖
-
កុំបោះបង់សេចក្តីជំនឿលើព្រះវរបិតាសួគ៌ និង ព្រះយេស៊ូវគ្រីស្ទឡើយ ។
-
ធ្វើកិច្ចការនានាដែលយាងព្រះវិញ្ញាណចូលមកក្នុងជីវិតរបស់អ្នក ( អធិស្ឋាន សិក្សាព្រះគម្ពីរ ។ល។ )
-
ស្វែងរកពាក្យទូន្មានពីឪពុកម្ដាយ និង ថ្នាក់ដឹកនាំបព្វជិតភាព ។
-
ទទួលការប្រសិទ្ធពរបព្វជិតភាព ។
-
ទទួលទានសាក្រាម៉ង់រាល់សប្ដាហ៍ ហើយកាន់ខ្ជាប់ទៅនឹងការសន្យានៃដង្វាយធួនរបស់ព្រះយេស៊ូវគ្រីស្ទ ។
-
រកមើលសញ្ញាសម្គាល់នានារបស់ភាពតានតឹងផ្លូវចិត្ត ដូចជាការនឿយហត់ ហើយបន្ទាប់មកធ្វើការផ្លាស់ប្តូរ ។
-
ប្រសិនបើបញ្ហានោះបន្តនៅជាប់ជាមួយអ្នក សូមនិយាយជាមួយឪពុកម្តាយ ឬ ថ្នាក់ដឹកនាំបព្វជិតភាព អំពីការស្វែងរកការទូន្មានពីអ្នកមានវិជ្ជាជីវៈស្របច្បាប់ជាមួយនឹងគុណតម្លៃល្អ ។
( សូមមើល « Like a Broken Vessel » Liahona ខែ វិច្ឆិកា ឆ្នាំ ២០១៣ ទំព័រ ៤០–៤២ ) ។