Ngaahi Huafa ʻo Sīsuú

Ko Sīsū ʻa hotau _____________ mo e Huhuʻí. Naʻá Ne fakamoʻui, pe “huhuʻi,” ʻa kitautolu mei he maté mo e angahalá ʻo fakafou ʻi he Fakaleleí. Koeʻuhí ko eni, ʻoku tau maʻu ai ʻa e faingamālie ke toe nofo mo ʻetau Mātuʻa Fakalangí ʻi ha ʻaho.

Ko e ʻuhinga ʻo e hingoa ______________ “ko e tokotaha kuo pani.” ‘Oku fakamanatu mai ʻe he huafa ko ʻeni ʻo Sīsuú ko Ia ʻa e Tuʻi naʻe ʻuhinga ki ai ʻa e kau palōfitá mo e ngaahi folofolá.

Kimuʻa pea ʻaloʻi ʻa Sīsū ʻi he māmaní, naʻe ui Ia ko ________________, ko e ʻOtua ʻo ʻIsileli. Naʻe toputapu fau e hingoa ko ʻení naʻe ʻikai ai ke lea leʻolahi ʻaki ia ʻe he kakai Siú, ka naʻa nau fakaʻaongaʻi e ngaahi hingoa kehe hangē ko e ʻEikí ʻi heʻenau talanoa fekauʻaki mo Iá.

Ko Sīsū ʻa e ______________ Leleí. ʻOkú Ne ʻofa ʻiate kitautolu mo finangalo ke tataki mo maluʻi kitautolu, ʻo hangē pe ko ha tauhi-sipi ʻokú ne tokangaʻi ʻene ngaahi tākanga sipí.

Ko e _________________ ko ha tokotaha tuʻu vahaʻa, pe ko ha taha ʻoku tokoni ʻi hono fakaleleiʻi e ngaahi palopalema ʻi he vahaʻa ʻo e kakaí. Koeʻuhí ʻoku tau faiangahala kotoa pē, ʻoku tau fie maʻu kotoa ha tokoni ke tau lava ʻo toe nofo fakataha mo e ʻOtuá. ʻE lava ke tokoniʻi kitautolu ‘e Sīsū ʻi he palopalemá ni! Naʻá ne “tuʻu vahaʻa” maʻatautolu, ʻo ʻomi ai ha ngaahi faingamālie ke tau liliu mo maʻu e moʻui taʻengatá, neongo ʻoku tau fai ha ngaahi fehalaaki.

ʻOku faʻa ui ‘a Sīsū ko e ______________ koeʻuhí naʻá Ne tokoni ke ngaohi e māmani fakaʻofoʻofa ko ʻení maʻatautolu, ʻi he fakahinohino ʻa e Tamai Hēvaní.

Ko Sīsū ʻa e ___________________. Neongo ka hoko e ngaahi meʻa ‘oku koví, ʻe lava ke tau ongoʻi nonga mo e ʻamanaki lelei ʻi he ako ʻo kau kia Sīsuú mo muimui ki Heʻene ngaahi akonakí. ʻOkú Ne ʻofa he tokotaha takitaha ʻi he māmaní—kau ai koe!

Te ke lava foki ʻo vakai ki ha vitiō ʻi he Mormon.org fekauʻaki mo e ngaahi huafa ʻo Sīsū Kalaisí.