Ngaahi Talanoa Mei he Folofolá
ʻAna mo Samuela
Vakai, 1 Samuela 1–3.
Naʻe ongoʻi loto mamahi ʻaupito ʻa ʻAna koeʻuhi he naʻe ʻikai ke ʻi ai haʻane fānau. Naʻá ne lotu ʻi he temipalé. Naʻá ne palōmesi kapau ʻe ʻi ai haʻane tama tangata, te ne ohi hake ia ke tauhi ki he ʻOtuá.
Naʻe maʻu ʻe ʻAna mo hono husepānití ha pēpē! Naʻe fakahingoa ia ʻe ʻAna ko Samuela. Naʻá ne ʻiloʻi kuo tali ʻe he ʻOtuá ʻene ngaahi lotú.
ʻI he tupu hake ʻa Samuelá, naʻe tauhi ʻe ʻAna ʻa ʻene palōmesí. Naʻá ne kole kia ʻĪlai, ko e taulaʻeiki ʻi he temipalé, ke ne akoʻi ʻa Samuela he founga tauhi ki he ʻOtuá. Ne tokoni ʻa ʻĪlai ʻi hono tauhi ʻo Samuelá.
ʻI ha pō ʻe taha, lolotonga e tokoto ʻa Samuela ʻi hono mohengá, naʻá ne fanongo ki ha leʻo. Naʻá ne ʻeke kia ʻĪlai pe naʻá ne ui ia. Pea pehē ʻe ʻĪlai ʻoku feinga ʻa e ʻOtuá ke folofola kia Samuela. ʻI he taimi naʻe toe fanongo ai ‘a Samuela ki he leʻó, naʻá ne fakafanongo. Pea folofola leva ʻa e ʻOtuá kia Samuela. Naʻe fakafanongo ʻa Samuela ki he ʻOtuá mo muimui kiate Ia.
Te u lava ʻo ako fekauʻaki mo e ʻOtuá mo muimui ki Heʻene ngaahi fekaú!