Parau ’āpī nō te mau hiero

I roto i tāna mau parau ’ōpanira’a i te ’āmuira’a rahi, ’ua fa’aara te peresideni Russell M. Nelson tē ’ōpua nei te ’Ēkālesia e patu e 12 hiero ’āpī (hi’o ’api 113). ’Ua fa’aara ato’a ’oia i te ’ōpuara’a e fa’a’āpī i te hiero nō Roto Miti ’e te tahi ato’a mau hiero nō te tau o te mau pionie, ma te parau ē, e hōro’ahia mai te mau ha’amāramaramara’a ’āraua’e.

E patuhia te mau hiero i Mendoza (Rāparata) ; Salvador (Beresiria) ; Yuba City (California, Marite) ; Phnom Penh (Cambodia) ; Praia (Cape Verde) ; Yigo (Guam) ; Puebla (Mehiko) ; Auckland (Aotearoa) ; Lagos (Nigeria) ; Davao (Firipino) ; San Juan (Puerto Rico) ; ’e Washington County (Utah, Marite).

E maha hiero e ha’amo’ahia i te mau mahana i muri nei : te hiero nō Concepción (Tīreni) i te 28 nō ’Ātopa ; te hiero nō Barranquilla (Colombia) i te 9 nō Tītema ; te hiero nō Roma (’Ītāria) i te 17 nō Māti 2019 ; ’e te hiero nō Kinshasa (Rēpupirita manahune o Tōneto) i te 14 nō ’Ēperēra 2019.

’E e piti hiero tei ha’amo’a-fa’ahou-hia a’enei : te hiero nō Houston (Texas) i te 22 nō ’Ēperēra 2018, ’e te hiero nō Jordan River (Utah) i te 20 nō Mē 2018.