Mga Apostoles sa Tibuok Kalibutan
Si Presidente Ballard Mibisita sa Texas, USA
Ang mga Apostoles mobiyahe sa tibuok kalibutan aron sa pagpangalagad sa katawhan ug sa pagtudlo kanila mahitungod ni Jesukristo.
Sa dihang ang dakong bagyo nga gitawag og Hurricane Harvey miigo sa Houston, Texas, USA, daghang kabalayan sa mga tawo nga gibahaan ug nangaguba. Si Presidente M. Russell Ballard miadto didto aron sa pagtabang!
Sa pagtugpa gayud sa iyang eroplano, miadto dayon siya sa command center diin ang Simbahan mikolekta og mga suplay ug gipadala sa mga bolunter sa Mormon Helping Hands.
Dayon gibisita niya ang kasilinganan diin daghang mga panimalay gibahaan. Ang pipila ka dalan nababagan, mao nga naglakaw siya gikan sa usa ka balay ngadto sa laing balay. Naminaw siya sa mga tawo ug mipakigbahin sa gugma sa Langitnong Amahan uban kanila.
Nakigkita siya sa mga misyonaryo ug sa ubang mga miyembro sa Simbahan kinsa nanabang.
Namulong siya sa usa ka debosyonal ug tulo ka miting sa sakrament aron iyang ipakigbahin ang gugma sa Langitnong Amahan sa daghang mga tawo!
Sa dihang nakasugat siya sa usa ka tigulang nga tawo kansang balay naguba, miingon si Presidente Ballard:
Ako usa sa mga Apostoles sa Ang Simbahan ni Jesukristo sa mga Santos sa Ulahing mga Adlaw. … Gusto kami nga makahibalo ka nga kami nahigugma kanimo. Ug ania kami tungod kay si Jesukristo buot nga kami moanhi.