Autalavou Matutua
O Taʻitaʻi Aʻu e le Atua?
O o tatou olaga e tumu i filifiliga tetele: o le a le matata e ave, o ai e tatau ona faaipoipo i ai, o fea e alu ai i le aʻoga, ma isi. Ua faatumulia foi o tatou olaga i popolega o aso taitasi: filifili le faaaogaina sili o le taimi, taumafai e malamalama i aoaoga faavae, ma le mauaina o le filemu i le lotolotoi o tofotofoga. O mea uma lava na, tatou te manaomia faaaliga faaletagata lava ia. Ae o nisi taimi atonu e faigata ona iloa le auala e maua ai ma le auala e iloa ai pe a tatou faia. Pe a tatou le mauaina pe iloaina tali, tatou te ono mafaufau, “Pe o le Agaga ea pe o loʻu lava manatu?” “Aisea na musuia ai aʻu e fai lena mea ona le manuia lea?” “Aisea e foliga mai ai e le tali mai le Tama Faalelagi i au tatalo?”
O le mea e lelei ai, i le “Faia o Faaiuga: Faitalia ma Faaaliga” (itulau 44), e faasoa e Erin lana tala e uiga i faaaliga faaletagata lava ia ina ua ia faia se faaiuga e suia ai le olaga. E ui e finagalo le Atua e taʻitaʻia i tatou, e finagalo foi o Ia e fesoasoani tatou te aoao e faalagolago i la tatou faitalia e faia ai filifiliga lelei.
O le aoaoina o le auala e talanoa atu le Agaga Paia ia te oe lava ia o se isi vaega taua o le mauaina ma le iloaina o faaaliga. E mafai ona eseese mo i tatou taitoatasi. I le itulau 48, e toatele autalavou matutua ua faasoa mai pe faapefea ona latou maua faaaliga.
I se tusiga na o le faatekinolosi, o loo faamatala mai ai e Aspen e manaomia e faaaliga patino le “Faagaoioi Ou Maso Faaleagaga.”
O le mafaufau i le lumanai e mafai ona lofituina, e oo lava i le taufaafefe. Ae maise lava o se autalavou matua. Ae a ou manatua le ala na taʻitaʻia ai e le Atua loʻu olaga i aso ua tuanai, ou te maua le lototele e agai ai i luma ma galue, ma le talitonu o le a Ia faaauau pea ona tuuina mai ia te aʻu le taitaiga ou te manaomia i le ala.
Ma le faamaoni lava,
Katie Sue Embley