Autalavou
Ina ua ou alu muamua i le aoga maualuga, sa i ai se mea se tasi na ou tauivi ai: pe a oo mai se mataupu fou, e faigata ia te au ona ou malamalama. I se tasi afiafi na ou tatalo ai i le Tama Faalelagi e fesoasoani ia te au ia malamalama ma foia lena luitau. Na i ai lo’u faatuatua, ma na mafai ona ou malamalama atili. Talu mai lena taimi, o le tatalo ma le faʻatuatua na i luga o laʻu lisi-o-mea-e-fai i le aoga ma soo se mea ou te alu i ai. O le i ai i se aoga mo tama/alii e luitauina ona o nisi o mea le mama e faia e tamaiti aoga. Pe a tupu lena mea, e oo mai upu a oʻu matua i loʻu mafaufau: “Aua e te faia se mea o le a tuliesea ai le Agaga Paia.” Ou te faafetai i loʻu tina, o lē e faamanatu mai pea ia te au ia ou faalogo i le Agaga Paia. Pe a tatou faia le mea sao, e faamanuia i tatou e le Atua.
Nyame S., 16 tausaga, Kana