Faafeiloai atu mai Kemupotia!
Talofa, o a’u o Paolo Ma o Margo lea.
O loo ma asiasi i Kemupotia. O mea nei na ma aoaoina!
O Kemupotia o se atunuu i Asia i Sautesasae. Pe a ma le 15 miliona tagata e nonofo iina, faatasi ai ma le 14,000 tagata o le Ekalesia.
O se Tusi a Mamona lenei i le faaKemupotia. O le gagana Kemupotia e taua o le Khmer (kuh-MY) O lona alafapeta e 74 mataitusi—e aupito sili ona tele i se isi lava alafapeta i le lalolagi!
O loo faafeiloai e tagata o le Ekalesia le tasi ma le isi i ala masani faaKemupotia, e taua o le sampeah. O le maualuga lava o ou lima, o le tele foi lea o lou faaalia o le faaaloalo.
O le tele o tamaiti i Kemupotia e o i le aoga ma le lotu e ala i le tietie i se uila afi faatasi ma se matua. Pe latou te o i se tuk tuk—o se taavale e toso e se uila afi.
O le tele o meaai Kemupotia e faaaoga ai le prahok, o se kaleve i’a oona ma masimā. O nei tagata o le Ekalesia na faia se ulo supo lapoa e aai ai faatasi i le fale autu o le siteki i le va o sauniga o le konafesi aoao.
O le tele o tamaiti Peraimeri i Kemupotia e pau ia o Kerisiano i le latou aoga. E mafua ona o le tele o tagata i Kemupotia e auai i se lotu e taua o le Puta. O le latou lotu e aoaoina i latou ia faamaoni, filemu, ma popoto. O se maafaamanantu Puta tautaua lenei i Kemupotia e asia e tagata mai le salafa o le lalolagi.
O le tausaga talu ai na faasilasila mai ai e Peresitene Nelson o le a fausia le malumalu muamua i Phnom Penh, le aai o le laumua! O le a fesoasoani le malumalu i aiga e pei o lenei ia faamauina faatasi e faavavau.
Faafetai mo le asiasia o Kemupotia ma i ma’ua. Feiloai i se isi taimi!