Ata

Yona

Ata na pueina e Christina Smith

Ou te fiafia i le malumalu aua o se nofoaga lea e mafai moni ona e lagona ai le Agaga. O se nofoaga o le mama aiai lea e mafai ona e lagona moni ai le alofa o Keriso.

Sa ou maua le avanoa e ola ai i le Iunaite Setete mo se tausaga. Ina ua ou taunuu atu iina, mo se taimi sa ou matuai tuuatoatasi lava. Sa ou misia lou aiga ma lou fale, ae sa ou tauivi ma nisi mea nai lo o lena. Sa lei i ai le tele o ni au uo i le aoga, sa faigata ia te au le gagana ma le aganuu, ma sa i ai si ou faaletonu laitiiti ma le aiga sa ou nofo ai.

E oo lava i le lotu o nisi taimi sa ou lagona ai le tuuatoatasi. Sa ou lagona le fia alu i le fale. Sa ou manao lava e toe vaai i lou aiga.

Ae sa amata ona ou mafaufau e uiga ia Iesu Keriso ma le auala na Ia puapuagatia ai mo au. Sa ou tatalo, ma sa faamafanafanaina au e le Atua. I le nofoaga na ou nofo ai, sa latalata ane lava le malumalu—e tusa e ono minute le mamao. O lea sa ou filifili ai e alu i le malumalu e faatasi i le vaiaso, ma e moni lava o se faamanuiaga lena i lou olaga.

Sa amata ona i ai se suiga. Sa ou maua ni uo lelei, ma o le Atua sa mafai ai ona ou faaauau pea seia oo i le iuga o lou taimi na toesea ai ma le aiga. Ou te iloa sa ou lagona le toafilemu ona o Iesu Keriso. Na ia tuuina mai le fesoasoani ma le malosi, ma o lea na ou maua ai le lototele. O nisi o taimi e manatu ai tagata o le Togiola a Iesu Keriso ua na o le salamo. Ae o Keriso o se punavai foi o le mafanafana sili. Ou te iloa ou te le mafai ona malamalama i mea uma na Ia onosaia, ae malamalama o Ia ia te au.

Yona C., 17, Farani