Dali, Sunod Kanako: Basahon ni Mormon
Hain sa mga Palid Nagagikan ang Basahon ni Mormon?
Disyembre 30–Enero 5 Pasiuna nga mga pahina
Ang Basahon ni Mormon gisulat sa daghan nga karaang mga propeta kinsa mirekord sa ilang mga pulong diha sa lahi nga mga hugpong sa mga palid nga metal. Kini nga mga rekord sa kaulahian gipamub-an aron sa paghimo sa mga palid ni Mormon, o sa bulawang mga palid nga gihubad ni Joseph Smith.
Panaghisgutan
Itandi ngadto sa tanan nga unta narekord diha sa bulawang mga palid, si Mormon ug ang uban nadasig sa pagpili og gamay lamang nga bahin alang sa Basahon ni Mormon (tan-awa sa Mga Pulong ni Mormon 1:5 ug 3 Nephi 26:6). Sa unsang paagi ang pagkahibalo niini nag-impluwensya sa imong panan-aw sa mga kapitulo nga kita aduna karon?
Ang pipila sa mga tinubdan alang sa mga palid ni Mormon
Ang Gagmay nga mga Palid ni Nephi (600 BC–130 BC*): 1 Nephi, 2 Nephi, Jacob, Enos, Jarom, Omni
Ang Dagkong mga Palid ni Nephi (600 B.C.–A.D. 385): Lehi, Mosiah, Alma, Helaman, 3 Nephi, 4 Nephi, Mormon 1–7
Ang mga Palid ni Ether (mga 2,300 BC–sa panahon nga wala pa ang 130 BC)
Ang mga Palid nga Tumbaga (4,000 BC–600 BC): Daghang mga kinutlo gikan niini nga mga palid makita diha sa Basahon ni Mormon.
Ang mga palid ni Mormon nga gihatag ngadto ni Propeta Joseph Smith
Ang Basahon ni Lehi (kabahin sa gipamubo ni Mormon; ang 116 ka pahina nga nawala ni Martin Harris)
1 Nephi hangtud sa Omni (wala mapamubo; giapil gikan sa gagmay nga mga palid ni Nephi)
Ang mga Pulong ni Mormon Ang pagpasabut ni Mormon sa paglakip sa gagmay nga mga palid ni Nephi
Mosiah hangtud sa Mormon 7 (minubo ni Mormon sa dagkong mga palid ni Nephi)
Mormon 8–9 ang pagkahuman ni Moroni sa basahon sa iyang amahan
Ether (ang mga palid ni Ether nga gipamubo ni Moroni)
Moroni Ang mga sinulat ni Moroni, lakip ang ulohan nga pahina
Ang silyado nga bahin