Pikja

Eldon

Foto i kam long Randy Collier

Mi rili laekem blong tekpat long Pikinini mo Yut from se mi stap setemap ol gol blong miwan we bae mi kasem.

Long wan long ol gol blong mi, mi jusum blong faenem ol famli nem, mo blong mekem ol baptaes blong ol dedman long bihaf blong olgeta. Hem i tekem plante wok blong lanem olsem wanem blong mekem famli histri, be mi harem mi hapi evri taem we mi faenem wan niu nem blong tekem i go long tempol.

Taem tingting blong mi stap long hem, mi jes gogohed nomo from se i wan gud samting tumas. Afta, mi gat tumas nem blong miwan mi mekem wok blong olgeta miwan. Mekem se plante long ol kasen blong mi, mo mi, mifala evriwan i go long tempol wetem ol nem we mi bin faenem, mo tugeta, mifala i bin mekem ol baptaes mo ol konfemesen blong 172 pipol.

Papa mo mama blong mi oli stap wok blong finisim ol narafala odinens blong olgeta famli ia; !hemia i taf tumas from se mi filim olsem se ful famli blong mi i wan tim! Gol blong mifala i blong helpem fulap moa bubu we mifala i save helpem.

Blong mekem famli histri i bin helpem mi blong kam kolosap moa long tugeta, famli blong mi we i laef i stap, mo ol bubu blong mi. Mi mi hapi se mi kasem gol blong mi, mo naoia, mi hop blong mekem wan gol we i givim moa jalenj, blong mekem se mi save kasem sam moa.

Eldon M., 13 yia, Ohaeo, YSA