ʻAlu Leva ʻo Fakahoko

‘I heʻeku tupu haké, ne tokolahi ha kakai ne ʻikai haʻanau ngāue mo hanau ʻapi. Ko e palesiteni Fineʻofa ʻi homau kiʻi koló ko ha fefine matuʻotuʻa ange mei Noaue. Naʻá ne ʻiloʻi naʻe finangalo e ʻOtuá ke ne tokangaʻi ʻa kinautolu naʻe faingataʻaʻiá. Ko ia ai naʻá ne kole ki hono ngaahi kaungāʻapí ha vala motuʻa. Naʻá ne fō e valá pea haiane kinautolu. Naʻá ne faʻo leva ia ʻi ha ʻū ngeʻesi puha pepa ʻi hono fakafaletolo ʻi muí. ʻI he taimi ne fie maʻu vala ai ha taha, ʻe talaange ʻe hono kaungāʻapí, “ʻAlu ki he fale ʻoku tuʻu he veʻehalá. ʻOku ʻi ai ha fefine ai te ne ʻoatu e meʻa ʻokú ke fie maʻú.”

Naʻe ʻilo ʻe he fefiné ni ʻa e meʻa ne finangalo ʻa e ʻOtuá ke ne faí, pea naʻá ne fai leva ia! Naʻá ne tokoniʻi ha fānau ʻe laungeau ʻa e Tamai Hēvaní ʻa ia ne nau faingataʻaʻia.

ʻOku akoʻi mai ʻe Nīfai ʻi he Tohi ʻa Molomoná ke tau muimui ki he ngaahi fekau ʻa e ʻOtuá, neongo pe ʻoku ngali faingataʻa fēfē. Naʻá ne pehē, “Te u ʻalu ʻo fai ʻa e ngaahi meʻa kuo fekau ʻe he ʻEikí” (1 Nīfai 3:7).

ʻOkú ke fakahā hoʻo falala ki he ʻOtuá ʻi hoʻo fakafanongo kiate Ia pea ʻalu leva ʻo fai e meʻa pē ʻokú Ne kole maí. ●