Te Tembora ao Ngkoe

Tamnei

The Temple and You

Imwain ae kaokaki te Ekaretia, aomata a kakoaua bwa ngkana iai temanna n aia utu ae mate imwain ae bwabetitoaki, a na aki kona ni manga noriia. Ma ibukin Kaokan bwai, ti kona ni bwabetitoaki ibukiia inanon te tembora. Ti kona ni kabaeaki ni kabane ibukin akea tokina!

N aron Iotebwa Timiti, ko a tia naba n rineaki iroun Tamara are i Karawa bwa ko na karaoi mwakuri aika a kakaawaki inanon maium. Tabeua mwakuri aikanne a kona ni karaoaki inanon tembora. Ko kona ni ikotii araia am bakatibu ake aki bwabetitoaki ngke a maiu iaon te aba. Ngkanne, imwiin reken am beeba ni kariaia nakon te tembora, ko kona n nakon te tembora ao ni bwabetito ibukiia.

Ngkana ko karaoa te mwakuri aei, tataro nakon Tamara are i Karawa bwa e na kairiko. A kona naba am bakatibu ni buokiko naba. Bon te kakabwaia ae kakaawaki ao n tabu ibukim ao ibukiia!

Tabeman mai ibuakomi ana aki kona ni karaoa te mwakuri n te tembora ngkai, ma ko na kona n te bong teuana. Uringnga n tainako bwa ngkoe natin te Atua. E tangiriko n te aro ae kororaoi.

Kakauongo nakon ana wirikiriki te Tamnei ae Raoiroi ao tauraoi n nakon te tembora n te tai teuana. Karaoan aei e na buokiko ni karekea te maiu ae tikiraoi ibukim ao ibukin am tai aika a nako, ao ngkai, ao am utu nakon taai aika a na roko. Ngkana ko karaoa ana mwakuri te Uea, E na buokiko. Ngkoe temanna Natina n tamnei ae ninikoria. ●