Ana Katei Kristo

Ai tamaroara te aonaaba aei ti maeka iaona ao n ibuokanibwai, te tabo ibukiia naan aomata nako aika kakaokoro, taetae, katei ao rongorongo—ae a uamae riaon tebubua aaba ao tengaa kurubu, n tatabeua nako a kaubwai n aia katei. E mwaiti ae a kakatonga iaona reeti n aomata nako ao ni bukamaruia. Ma anua ake a reiakinaki—bwaai ake ti taneiai ma ngaai n ara katei ae ti rikirake iai—a kona n riki bwa te korakora inanon maiura, e kona naba n taai tabetai, n riki bwa te bwai n totoko.

Taraakina bwa te katei ti kawakinna raoi n ara iango ao n anuara ae kangaanga bitakina. Bon anne, bwa n tokina, mwaitin ae ti namakinna e kabwarabwarai arora ao mai iai are ti namakinna bwa antai ngaira. E kona n riki naba bwa te kairoro ae korakora are ti kona iai n aki noora kabwakara n aomata ke kabwakan ara katei, are e a riki bwa rawara ni katoki tabeua mai buakon kateia ara karo. Te tauaninne iaon kinaakin ana katei temanna e na kona ni kairira nakon aki butimwaean kakawakin te aomata—n te aro n atua—iango, aroaro, ao anua.

I kinaa te rorobuaka ae moan te kakateke tabeua te ririki n nako are e buokia ni kamataata te tua ae tabangaki ni katein aki nakoraoin te nonoori. I moan kaitibo ma ngaia i Singapore ngke I mwiokoaki bwa te tia kakawari ngai ni mweengaia ana utu. Te burobeetia ae rianako arona mai Sanskrit ao Tamil, e roko mai Inria maiaki. Buuna ae moan te kakateke ma natina mwaane aika uoman bon kaain te Ekaretia, ma teuanne e bon tuai ni kaainna ke n ongongora n reirein te euangkerio. E kukurei n aron ana waaki neiere buuna ma natina mwane ni baika a karikirakeia iai ao e bwanin ana boutoka nakoia n aia waaki aika a kakaraoi ma mwiokoaia n te Ekaretia.

Ngke I anganano bwa N na reireinna taekan te euangkerio ao n tibwaua ara koaua mangaia, e bon aki kariaia. E reke au tai teutana ni kakaea bwa tera bukina: e namakinna bwa ni karaoan anne e na riki bwa te tia kaitara arona are ngkoa, ana aomata, ao rongorongona! Ni waakin ana iango, e na bae ni kaakea arona are ngkoa, bwaai ake e reiakinaki irouia ana utu bwa e na riki iai, ao bon ngaia te Inria ni koaua. Tabeua te namwakaina imwiina, ti a kona ni maroroakin kangaanga aikai. I bon miimi (ma I kakubanako!) n aron ana euangkerio Iesu Kristo ngke e kona ni kaurei matana nakon te nonoori ae kaokoro.

N angiin katei n aomata e na kona ni kuneaki te bwai ae raoiroi ao ae buakaka, te bwai ae na kanakoraoa arom ao n uruana arom.

Angiin ara kangaanga n te aonaaba a bon kaeineti man mwiin te untaba imarenan iango akana a kakaokoro akanne ma aroaroia aomata ake a reke man aia katei. Ma angin ni kabane untaba ma kamangaongao a na waekoa ni mauna ngkana te aonaaba e tii butimwaai are katein te euangkerio,” ae ti bane ni bwainna n te tai ae aki maan n nako. Te katei aei bon kateira ngkoa imwaain te maiu aei. Bon ana katei Atam ao Enoka. Bon te katei are e kateaki iaon ana reirei te Tia Kamaiu inanon waakin te tai, ao e manga tauraoi riki nakoia aine ao mwaane ni kabane inanon ara bong. E rangi n onoti. Bon te kabanea n tamaroa mai buakon nako katei” ao e roko man te babaire ni kakukurei ae korakora ae karaoaki iroun te Atua ao ni boutokaaki iroun Kristo. E karekea te katiteuanaaki ma tiaki te maenako. E karekea te kamaiuaki ma tiaki te kaikoaki.

E reireiniira Ana Euangkerio Iesu Kristo bwa iai bukin te maiu aei. Menara ikai tiaki n ae rianibwai ke ni kairua! Iai bukin menara iki.

Te katei aei e aanaki n te kakoaua are e maiu Tamara are i Karawa, bon iai ao E tangiriira n tatabemaniira nako, n onoti. Ngaira Ana “mwakuri ao [Mimitongina].”¹ E kaungaa te iango ae ti bane ni kakawaki. Akea te kinaaki bwa rinanin aomata raa ke tera arom. Bon ngaira, e ngae n anne, taari mwaane ao aine, naati n tamnei irouia ara Karo ake i karawa—ni koaua. Akea te inanonano ke “ni kakaitara imarenara” n te iango kabanea ni kakawaki ibuakon nako taian katei. Ngaira ni kabane bon “ngaira.” Ngaira ni kabane bon “ngaiia.” Ti kakoaua bwa ti katabeaki ao ni bukintaeka ibon ibukira, imarenara, te Ekaretia, ao ara aonaaba. Te katabeaki ao te bukintaeka bon bwaai aika a rangi ni kakawaki ibukin rikirakera.

Te tangira ae kororaoi, anuan Kristo n akoi, bon aan te katei aei. Ti rangi n tabeaianga ibukin kainnanoia aomata, n rabwataia ao n tamneia, ao ni mwakuri iaon namakin akanne. E katoka te inanonano ao te nano n riribai.

Ti kukurei n tauraoin ao butimwaean te kaotioti, ae boboto iaon ana taeka te Atua ae roko mairouia burabeti (ae kakoauaki n ae onoti nakoira n tatabemaniira rinanon te Tamnei ae Raoiroi). A kona aomata ni kabane n ataa ana kantaninga ma ana iango te Atua.

Te katei aei e kona ni boutoka tuan te inaomata. Te kona n rinerine e bon rangi ni kakawaki ibukin rikirakera ao kukureira. Te rinerine ma te wanawana e bon kakawaki.

Bon te katei ibukin te reiakinaki ao te kamatebwai. Ti ukora te rabakau ao te wanawana ao te tamaroa ni bwaai ni kabane.

Bon te katei ibukin te onimaki ao te ongeaba. Te onimaki iroun Iesu Kristo bon te moan tua ibukin ara katei ao te ongeaba nakon Ana reirei ao ana tua bon anne mwiina ae na riki. Aikai a na kona ni karekea karikirakeam ibon iroum.

Bon te katei ibukin te tataro. Ti kakoaua bwa te Atua e aki tii ongo ara tataro ma e buokiira naba.

Bon te katei ibukin berita aika tabu ma otenanti, aron kainibaire aika rietaata, anganano, kabwarabure ao te rairannano, ao n tararuai tembora aika bon rabwatara. Kakoaua aikai ni kabane bon ara motinnano nakon te Atua.

Bon te katei ae tararuaaki man te nakoanibonga, te kariaiakaki ni mwakuri n aran te Atua, mwaakan te Atua ibukin kakabwaiakiia natina. E kamatoaia ao ni karekea angaia aomata ni kanakoraoiia riki, taan kairiiri, tiina, kaaro, ao raao—ao e katabua te mweenga.

Taian kakai aika koaua a mwaiti ni kaoti inanon aei, mai buakon katei ake ngkoa, a riki man te onimaki iroun Iesu Kristo, mwaakan te nakoainibonga, te tataro, katamaroam ibon iroum, te rairaki ni koaua, ao te kabwarabure.

Bon te katei ibukin te mwakuri ni mitinare. Moan te korakora kakawakiia aomata.

N ana katei Kristo, aine a eutiiarake n nakoaia ae bon tau ae akea tokina. A ongeaba irouia mwaane, ma n aron katei aika mwaiti n te aonaaba n te bong aei, ma bon raao aika bwanin man tii te arona ikai ao n te aonaaba are e na roko.

Te katei aei e kamatoa tabun te utu. Te utu bon aan te katiteuanaki ae akea tokina. Kororaoin te utu e kakawaki n aron anganano nako, ibukina bwa, n aron ae e a tia n reiakinaki, “bon akea te nakoraoi ae kona ni kabooi mwiin kabwaka inanon te mweenga.”² Te mweenga bon te tabo are a ti karaoi iai ara mwakuri aika moan te tamaroa ao are e reke iai kukureira.

N ana katei Kristo, iai te nonoori—ao te taratara ae akea tokina ao kaetieti. Te katei aei e mutiakin bwaai aika kakawaki aika a na teimaan! E roko man ana euangkerio Iesu Kristo, are bon akea tokina, ao ni kamataata bukin tera, tera ao iaa ibukin reitinakon maekara. (E kairiiri, akea te kaokoroaki) Ibukina bwa te katei aei e riki man kamwakuran ana reirei ara Tia Kamaiu Iesu Kristo e buoka karekean te bwa ni kamaiu are e rangi ni kainnanoaki n ara aonaaba.

Bon te kakabwaia n riki bwa mwakoron te aeka ni maiu ae rangi ni kamiimi man rine! N riki bwa mwakoron aei, te Kabanea ni Korakora mai buakon nako katei, e kainnanoa te bitaki. A reireiniira burabeti bwa e riai katokan ara katei ni kawai ake aki bootau ma ana katei Kristo. Ma tiaki nanon anne bwa ti na katikui bwaai ni kabane. A tia naba burabeti ni katuruturua bwa ti kaoaki, aomata nako, ni uota ara onimaki ao ara taarena ao rabakaura—bwaai ni kabane aika raraoi inanon maiura ao ni kateira n aomata—ma ngaira, ao ni kariaia te Ekaretia “n reitia” rinanon rongorongon te euangkerio.³

Ana Ekaretia Iesu Kristo ibukiia Aika Itiaki ni Boong aika Kaitira e kuri kangaanga ae na riki bwa Bootaki mai Maeao ke katei n Amerika ae kamiimi. Ao bon te aro ae tabangaki, ngkai bon anne ae nanonaki n taainako. Ae riaon riki anne, e tabu kanga ai aron karawa. Kaain te aro aika boou ni kabuta te aonaaba a uota te maiuraoi, te kaokoro, ao te kukurei inanon ara utu ae tabe n rikirake. Aika Itiaki n taabo nako a teimatoa ni bukamarua ao ni karinea rikiia ni bwaibwai ao ninikoriaia, ma ngkai a riki bwa mwakoron te bwai ae rmoan te kakawaki. Ana katei Kristo e buokiira n taraira n aron ae bon ngaira raoi ni koaua, ao ngke ti nooraki n te nonoori ae akea tokina, ni kabaerantaki ma te raoiroi, e karika rikiraken ara konabwai ni kakoroa nanon te babaire ni kakukurei ae korakora.

Ngaia are, tera ae riki nakon raoraou? Eng, e reiakin taian reirei ao e kaaina te Ekaretia. A tia ana utu ni kabaeaki ibukin ngkai ao n aki toki n te Tembora i Sydney Aotiteeria. E a tia ni bwara nanona teutana—ao e a reke irouna bwaai ni kabane. E kunea bwa e kona n reitinako ni bukamarua rongorongona, n reitinako ni kakatonga irouia ana bakatibu, ana katangitang ao ana mwane ao ana mwakuri ni koro karaki, kanana, abana ao ana aomata. E kunea bwa akea te kangaanga n reitan katein abana aika moan te tamaroa nakon kabanea ni Korakora ibuakon Katei ni kabane. E kunea bwa uotakin te bwai ae booraoi ma te koaua ao te raoiroi ni katein maiuna are mai imwaaina nakon maiuna ae boou e riki bwa kanakoraoan ana iraorao ma Aika Itiaki ao ni ibuobuoki inanon katiteuanakiia aomata ni kabane n riki bwa ti teuana inanon bootakin karawa.

Ti kona, n te koaua, ni bane ni kawakin raoi ara katei n aonaaba aika onoti ao n riki bwa taan iwawaaki inanon katei ni kawai ake ngkoa—te oi, te kabane, te katei ae akea tokina are e roko man ana euangkerio Iesu Kristo. Ti bane n ibuokanibwai n rikira ni bwaibwai. N aran Iesu Kristo, amen.