Kumusta gikan sa France!
Salut! Kami si Margo ug Paolo!
Nagbiyahe mi sa tibuok kalibutan aron makakat-on mahitungod sa mga anak sa Dios. Kuyugi mi samtang bisitahon namo ang France!
Adunay mga hapit 40,000 ka miyembro sa Simbahan sa France! Ang templo sa Paris, France, nahuman niadtong Mayo 2017.
Kini mao ang usa ka Basahon ni Mormon sa French.
Ang Louvre, sa Paris, mao ang labing dako nga museyo sa art sa kalibutan! Kini adunay labaw sa 380,000 ka mga piraso sa art.
Sa habagatang France, ang mga tawo mangandam alang sa Pasko pinaagi sa paghimo og usa ka “crèche,” o eksena sa pagkatawo ni Jesukristo. Ang eksena puno sa mga tawo nga naghulat nga matawo si Jesukristo. Sa Bisperas sa Pasko, ibutang nila ang estatuwa sa batang Jesus diha sa crèche!
Ang French nga mga bata ganahan nga magdula sa gitawag og “escargot.” Molukso ka diha sa usa ka porma og tuliyok aron maakabot sa katapusan!
Ilado ang France alang sa mga pan ug mga keso niini. Daghang mga tawo mopalit og presko nga mga baguette gikan sa boulangeries (mga panaderya) matag adlaw.
Himamata ang pipila sa among mga higala gikan sa France!
Gusto nako ang tanan mahitungod sa Primary—ang mga kanta, ang mga magtutudlo, ang mga kalihokan, ug ang mga butang nga akong makat-unan mahitungod ni Jesukristo. Ganahan ko ilabi na kon magtimbaya kami sa mga bata og malipayong adlawng natawhan. Mahinamon kong motambong sa Primary matag semana.
Julien B., 10 anyos, Haute-Garonne, France
Ang akong paborito nga istorya sa Basahon ni Mormon mao ang mahitungod ni Nephi nga nagpasaylo ug naghigugma sa iyang mga igsoon. Salamat sa ehemplo ni Nephi, kini nga bahin sa mga kasulatan nakatabang gayud kanako nga mas sayon nga mangayo og pasaylo ug sa pagpasaylo sa akong mga igsoon nga lalaki kon maglalis kami.
Evelyne N., 6 anyos, Île-de-France, France
Taga-France ka ba? Sulati kami! Ganahan kaming makadungog gikan kaninyo
Salamat sa pagsuhid sa France uban namo!