រឿងក្នុងព្រះគម្ពីរ
មរមនបានរក្សាព្រះគម្ពីរទុកសម្រាប់យើង
សូមអានដំណើរ រឿងនេះនៅក្នុង មរមន ៨ និង បុព្វកថានៃព្រះគម្ពីរមរមន ។
រចនារូបភាពដោយ អាបរីល ស្តុត
ព្យាការីមរមនបានចងក្រងគម្ពីររួមគ្នាអំពីព្រះយេស៊ូវ ។ លោកបានសរសេរនៅលើផ្ទាំងចំណារមាស ។ មុនពេលលោកចែកឋាន មរមន បានសុំឲ្យកូនប្រុសរបស់លោកមរ៉ូណៃ ថែរក្សាគម្ពីរនោះ ។
មរ៉ូណៃបានធ្វើតាមអ្វីដែលឪពុកលោកសុំ ។ លោកថែរក្សាផ្ទាំងចំណារដោយសុវត្ថិភាព ។ ពេលខ្លះ លោកត្រូវលាក់ពីមនុស្សទុច្ចរិត ។ ជាញឹកញាប់លោកឯកោ ។ ប៉ុន្តែលោកដឹងថា ព្រះគម្ពីរមានសារសំខាន់ណាស់ ។
ព្រះយេស៊ូវ បានយាងមកជួបមរ៉ូណៃ ! ទ្រង់បានបង្ហាញមរ៉ូណៃ ពីរបៀបដែលព្រះគម្ពីរ បានជួយមនុស្សជាច្រើន ដូចជាបងប្អូន និងខ្ញុំ ។ មរ៉ូណៃបានបន្ថែមទីបន្ទាល់របស់លោកនៅក្នុងផ្ទាំងចំណារនោះ ។ លោកបានសរសេរមកកាន់យើង ដូចជាយើងនៅទីនោះជាមួយលោក ។
ព្រះបានមានបន្ទូលឲ្យមរ៉ូណៃ កប់ផ្ទាំងចំណារនោះដើម្បីរក្សាទុកដោយសុវត្ថិភាព ។ ជាច្រើនឆ្នាំក្រោយមក យ៉ូសែប ស៊្មីធ បានបកប្រែផ្ទាំងចំណារនោះ ។ ឥឡូវនេះវាបានបោះពុម្ពជាព្រះគម្ពីរមរមន ។
ព្រះគម្ពីរមរមនត្រូវបានសរសេរសម្រាប់ខ្ញុំ! វាអាចជួយរាល់ គ្រប់បញ្ហាទាំងអស់ ។ វាជាអំណោយទានពីព្រះ ។