ចូរមកតាមខ្ញុំ
តើនៅក្នុង បញ្ជីបងប្អូនមានអ្វីខ្លះ ?
សូមបញ្ឈប់រាយបញ្ជីអ្វីដែលបងប្អូនចង់បានហើយចាប់ផ្តើមយកអ្វីដែលបងប្អូនត្រូវការវិញ ។
តើបងប្អូនចង់បានអ្វីសម្រាប់បុណ្យគ្រីស្ទ ម៉ាក់ ឆ្នាំនេះ ? យើងនិយាយអំពីអ្វីដែលសំខាន់ជាងអំណោយ—តើអ្វីដែលបងប្អូនពិតជា ត្រូវការ ?
សេចក្តីត្រូវការ គឺជាអ្វី ដែលបងប្អូន ត្រូវតែមានសម្រាប់រស់ ។ នៅពេលបុណ្យគ្រីស្ទម៉ាក់ វាពិតជាងាយស្រួលខ្លាំងណាស់គ្នុងការផ្តោតទៅលើអ្វីដែលរូបកាយរបស់យើងចង់បាន ប៉ុន្តែចុះចំណែកអ្វីដែលវិញ្ញាណរបស់យើងត្រូវការវិញ ។
ត្រូវការអំណោយ
យើងដឹងថាវិញ្ញណរបស់យើងមានសេចក្តីត្រូវការខ្ជាប់ខ្ជួន ដើម្បីជួយបំពេញ អំណោយនោះដូចជា ការសិក្សាព្រះគម្ពីរ និងការអធិស្ឋានប៉ុន្តែវិញ្ញាណរបស់យើងក៏មានសេចក្តីត្រូវការផ្សេងទៀត អាស្រ័យលើស្ថានភាពរបស់យើង ។ យើងបានប្រមូលដំណើររឿងពីរបីមកពី យុវវ័យជុំវិញពិភពលោក ដែលបានរកឃើញ « អំណោយ » ផ្សេងទៀត ដែលវិញ្ញណរបស់ពួកគេត្រូវការ ។ នៅពេលបងប្អូនអាន សូមគិតអំពីអំណោយអ្វី ដែលវិញ្ញាណរបស់បងប្អូនផ្ទាល់ត្រូវការ ។
អំណោយទាននៃមិត្តភក្តិ
រ៉ូតា អិម អាយុ ១៥ ឆ្នាំ មកពី រដ្ឋអៃដាហូ ស.រ.អា បានរកឃើញថា នាងត្រូវការមិត្តភក្តិល្អ នៅពេលនាងស្វែងយល់ពីសាសនាចក្រ ។ « នៅពេលខ្ញុំចាប់ផ្តើមចូលរួមការប្រជុំសាក្រាម៉ង់ថ្នាក់ផ្សេងៗនិងថ្នាក់យុវវនារី ខ្ញុំត្រូវបានគេរាក់ទាក់មួយរំពេច ដោយមិត្តភក្តិដែលរុះរាយ និងសហគមន៍ដែលខ្វាយខ្វល់ ។ ខ្ញុំត្រូវបានគេរាប់បញ្ជូលក្នុងគ្រប់សកម្មភាពហើយមិត្តភក្តិថ្មីដែលខ្ញុំជួបបានលើកទឹកចិត្តខ្ញុំឲ្យធ្វើតាមផែនការណ៍របស់ព្រះ ។ ពួកគេបានជួយខ្ញុំដាក់គោលដៅខាងវិញ្ញាណ ហើយសម្រេចវា » ។ បន្ទាប់ពីបានរៀនបន្ថែមទៀតពីពួកអ្នកផ្សព្វផ្សាយសាសនានិងទំនាក់ទំនងជាមួយមិត្តភក្តិរបស់នាង នៅព្រះវិហារ រ៉ូតាបានសម្រេចចិត្តទទួលបុណ្យជ្រមុជទឹក ។ នាងបាននិយាយថា « ខ្ញុំមានអំណរគុណយ៉ាងខ្លាំងដែលរកឃើញមនុស្សល្អៗទាំងនេះ ហើយខ្ញុំមានពរណាស់ដែលបានផ្លាស់ប្តូរចូលក្នុងសាសនាចក្រដោយរលូនបំផុត ។
អំណោយនៃថ្នាក់សិក្ខាសាលា
ចូន អរ អាយុ១៦ឆ្នាំមកពីប្រទេសឈីលីបានរកឃើញថា ថ្នាក់សិក្ខាសាលា គឺជាអ្វីដែលគាត់ត្រូវការ ។ « នៅក្នុងថ្នាក់សិក្ខាសាលាខ្ញុំបានរៀនអំពីសេចក្តីពិត និងព្រះវិញ្ញាណដែលបានប្រទាន ប្រាជ្ញាដល់ខ្ញុំ ។ គ្រប់ពេលដែលខ្ញុំទទួលអារម្មណ៍ពីព្រះវិញ្ញាណខ្ញុំដឹងថាខ្ញុំនៅទីកន្លែងដែលព្រះចង់ឲ្យខ្ញុំទៅនៅគ្រានោះ ។ នេះគឺជាអារម្មណ៍ដែលខ្ញុំទទួលបាននៅពេលខ្ញុំនៅក្នុងថ្នាក់សិក្ខាសាលាដូច្នេះខ្ញុំដឹងថាវាសំខាន់ណាស់សម្រាប់ខ្ញុំដើម្បីនៅទីនោះ ។ ខ្ញុំតែដឹងថាការទៅ ទីនោះនឹងផ្តល់ចម្លើយចំពោះសំណួរ ឬចម្ងល់ដែលខ្ញុំមាន » ។
អំណោយទាននៃការបម្រើ
ជូលី អេស អាយុ ១៦ ឆ្នាំ មកពី រដ្ឋអៃរដ្ឋតិចសាស ស.រ.អា បានរកឃើញថា នាងត្រូវការការបម្រើ ។ « ថ្មីនេះខ្ញុំបានទទួលការហៅជា អ្នកដឹកនាំភ្លេង ហើយ ប្រាកដណាស់មានន័យថាខ្ញុំត្រូវទៅឲ្យទាន់ពេលព្រះវិហារចាប់ផ្តើម ។ វាតែងតែជាបញ្ហាសម្រាប់គ្រួសារខ្ញុំ ហើយការហៅនេះមិនត្រឹមតែនាំមកនូវក្តីអំណរប៉ុណ្ណោះទេថែមទាំងធ្វើឲ្យខ្ញុំស្រឡាញ់តន្ត្រី ហើយក៏ធ្វើឲ្យគ្រួសាររបស់ខ្ញុំ កាត់បន្ថយភាពយឺតយ៉ាវ និងកាន់តែមានកាលវិភាគត្រឹមត្រូវ ។
អំណោយនៃដំណឹងល្អ
សេម ឌី អាយុ ១៩ ឆ្នាំ មកពី ប្រទេស តួគី បានរកឃើញថា អ្វីដែលគាត់ខកខានក្នុងជីវិតគឺសាសនាចក្រ ។ « ខ្ញុំបានទទួលពិធីបុណ្យជ្រមុជទឹកនៅអាយុ ១៦ ឆ្នាំ ហើយបន្ទាប់មកខ្ញុំ រស់នៅតាមជីវិតពិតប្រាដករបស់ខ្ញុំ ។ គ្រប់យ៉ាងកាន់តែច្បាស់ ។ ខ្ញុំមានគោលបំណងក្នុងជីវិត » ។
តើអ្នកត្រូវការអំណោយអ្វី ?
យុវវ័យទាំងនោះមានលទ្ធភាពរកឃើញអ្វីដែលពួកគេត្រូវការដើម្បីធ្វើឲ្យទីបន្ទាល់របស់ពួកគេរីកចម្រើន រស់នៅកាន់តែមានសុភមង្គល និងចូលខិតកាន់តែជិតព្រះ ។ បន្ទាប់ពីការអានពីបទពិសោធន៍របស់ពួកគេហើយ តើប្អូនៗបានកត់សម្គាល់ទេថា វិញ្ញាណរបស់ប្អូនៗត្រូវការអ្វី ? ចូលធ្វើបញ្ជីមួយដើម្បី ជួយប្អូនៗ តាមដានវា ។
ការផ្ដល់ឲ្យ និងការទទួល
ឥឡូវប្អូនៗដឹងពីអ្វីដែលវិញ្ញាណរបស់ប្អូនៗត្រូវការ តើប្អូនៗអាចបំពេញវារបៀបណា ?
ចាប់ផ្តើមដោយការដាក់គោលដៅ ដើម្បីសម្រេចអ្វីដែលប្អូនត្រូវការ ។ ការដាក់គោលដៅគឺជាវិធីដ៏អស្ចារ្យដើម្បីបំពេញកិច្ចការថ្មី ហើយកម្មវិធីកុមារនិងយុវវ័យ អាចជួយប្អូនចាប់ផ្តើម ។
ក្រុមគ្រួសាររបស់ប្អូន អាចជាកន្លែងអស្ចារ្យមួយទៀត ដើម្បីស្វែងរកជំនួយ ក្នុងការបំពេញសេចក្តីត្រូវការរបស់ប្អូន—ទាំងសាច់ញ្ញាតិគ្រួសារនិងគ្រួសារវួដ ឬសាខារបស់ប្អូន ។ សូម្បីតែនៅក្នុងជំនាន់មរ៉ូណៃ មូលហេតុចម្បងដែលសាសនាចក្របានជួបជុំគ្នាជាញឹកញាប់ គឺដើម្បី « ពិគ្រោះគ្នាទៅវិញទៅមកអំពីសុខុមាលភាពដល់ព្រលឹងពួកគេ » ។ ( មរ៉ូណៃ ៦:៥ ) ។
ហើយប្រាកណាស់ព្រះវរបិតាសួគ៌សព្វព្រះទ័យជួយប្អូន ដើម្បីបំពេញសេចក្តីត្រូវការខាងវិញ្ញាណ ហើយសេចក្តីជំនឿរបស់ប្អូននឹងរីកចម្រើននៅក្នុងទ្រង់ ។ ទ្រង់អាចជួយប្អូនដឹងនូវអ្វី ដែលប្អូនត្រូវការ និង គោលដៅអ្វីដែលប្អូនអាចដាក់ប្រសិនបើប្អូនអធិស្ឋានទៅកាន់ទ្រង ។
បុណ្យគ្រីស្ទម៉ាក់ឆ្នាំនេះ សូមកុំរង់ចាំនរណាម្នាក់ដើម្បីទូស្សន៍ទាយពីអ្វីដែលជាបញ្ជីបំណងប្រាថ្នាដែលវិញ្ញាណប្អូនត្រូវការ—សូមដាក់គោលដៅ ហើយផ្តល់អំណោយដែលត្រូវការនោះដល់ខ្លួនប្អូន ! ប៉ុន្តែសូមកុំស្ទាក់ស្ទើរក្នុងការសុំជំនួយដើម្បីសម្រេចគោលដៅរបស់ប្អូន ។ ហើយដោយសារនេះជារដូវកាលនៃការផ្តល់ឲ្យ សូមរកមើលមធ្យោបាយដែលប្អូនអាចជួយអ្នកដទៃ បំពេញសេចក្តីត្រូវការខាងវិញ្ញាណរបស់ពួកគេដែរ ។
សូមកុំភ្លេច រ៉ូតា និង សែម នៅក្នុងពិភពលោក ។ មនុស្សនៅជុំវិញប្អូនប្រហែលជាមិនធ្លាប់ដឹងថាពួកគេបាត់បង់អ្វីនោះទេ—នូវអ្វីដែលពួកគេត្រូវការដើម្បីរីករាយ និងស្វែងរកគោលបំណងរបស់ពួកគេ—រហូតដល់អ្នកចែកចាយសារលិខិតនៃដំណឹល្អជាមួយពួកគេ ។ ដែលនោះជាអំណោយដ៏មានតម្លៃល្អបំផុត ដែលនរណាម្នាក់អាចទទួលសម្រាប់គ្រីស្ទម៉ាក់ ។