Na Vuravura sa Gadrevi ira na Marama Yalodina

iVakatakilakila

illustration of Jane Manning James

Droini mai vei Toni Oka

Mai na matai ni siga eso i Ivi na Tinada, era sa vakaitavi na marama ena itavi bibi ni kena vukei me vakayacori na ituvatuva ni Kalou me baleti ira na Luvena. Ena vula oqo, sa noda na madigi me vulica e levu sara na ka me baleti ira na marama era a ivuvu ena gauna taumada ni Vakalesuimai ni kosipeli. Me ivakaraitaki, e rawa ni da wilika ena tabana e 16 me baleti Jane Manning James kei na nona ivakaraitaki ni gumatua yaloqaqa. Ni da vulica na Vunau kei na Veiyalayalati 25, eda rogoca na vosa ni Turaga vei Ema Simici ena nona kerei me vakarautaka e dua na ikumuni ni serenilotu vakatabui.

Sa tomani tiko na Veivakalesuimai ena noda gauna, ka sa gadreva vakalevu sara tu o vuravura na nodra cau vakamareqeti na marama yalodina. Ena tabana e 12, sa rawa mo wilika na sala keimami sa raica kina na Veiqaravi Raraba ena Lotu na cakacaka ni kaukauwa ni matabete ena neimami bula. Na kaukauwa ni matabete oqo, ka tiko ruarua vei ira na turaga kei na marama, sa ka e vakatara tu na cakacaka ni Kalou me tomani tiko e vuravura.

Se cava ga na noda yagonisucu, yabaki, kawatamata, se ituvaki ni bula, eda sa luvena daulomani na Kalou ka vakaiyau vakalou kei na rawaka.

Wekamuni dina,

Peresitedi Joy D. Jones

Peresitedi Raraba ni Lalai