« បងប្អូនអាចប្រមូលពួកសាសន៍អ៊ីស្រាអែល ! » ដើម្បីកម្លាំងនៃយុវជន ខែ ឧសភា ឆ្នាំ ២០២១ ។
សម័យប្រជុំបព្វជិតភាព
បងប្អូនអាចប្រមូលពួកសាសន៍អ៊ីស្រាអែល !
ការដកស្រង់
ប្រហែលជាបីឆ្នាំមុន ប្រធាន រ័សុល អិម ណិលសុន បានអញ្ជើញយុវវ័យក្នុងសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយទាំងអស់ ឲ្យចូលរួមនៅក្នុង « ទ័ពចម្បាំងយុវវ័យរបស់ព្រះអម្ចាស់ ដើម្បីចូលរួមជួយនៅក្នុងការប្រមូលផ្ដុំអ៊ីស្រាអែល » នៅទាំងសងខាងនៃវាំងនន ។ លោកបានមានប្រសាសន៍ថា « ការប្រមូលផ្ដុំនោះ គឺជាកិច្ចការដ៏សំខាន់បំផុតដែលកើតឡើងនៅលើផែនដីសព្វថ្ងៃនេះ » [ « Hope of Israel » ( ការប្រជុំធម្មនិដ្ឋានទូទាំងពិភពលោក ថ្ងៃទី ៣ ខែ មិថុនា ឆ្នាំ ២០១៨ ) ទំព័រ ៨ នៅលើគេហទំព័រ HopeofIsrael.ChurchofJesusChrist.org ] ។ ខ្ញុំប្រាកដចិត្តថា ប្អូនៗយុវវ័យអាចធ្វើបាន—ហើយធ្វើបានល្អបំផុត—ព្រោះ ( ១ ) វាជាអត្តសញ្ញាណរបស់ប្អូនៗ និង ( ២ ) អំណាចដ៏ខ្លាំងនៅក្នុងខ្លួនប្អូនៗ ។…
… យោងទៅលើព្រះគម្ពីរវិវរណៈ « នោះមានចម្បាំងនៅលើមេឃ » ! [ វិវរណៈ ១២:៧–៨ ] ។ សាតាំងបានប្រើល្បិចបោកបញ្ឆោតបុត្រាបុត្រីខាងវិញ្ញាណរបស់ព្រះវរបិតាសួគ៌មួយភាគបី ឲ្យអនុញ្ញាតឲ្យវាឈ្នះជំនួសព្រះ ។ ប៉ុន្តែមិនមែនបងប្អូនទេ ! សាវកយ៉ូហានបានមើលឃើញថា បងប្អូនឈ្នះសាតាំង « ដោយសារសេចក្តីបន្ទាល់ [ របស់បងប្អូន ] » ។… [ វិវរណៈ ១២:១១ ] ។
… ការដឹងថាបងប្អូនទាំងអស់គ្នាអាចយកឈ្នះសាតាំង តាមរយៈទីបន្ទាល់របស់បងប្អូនពីមុនមក នឹងអាចជួយបងប្អូនឲ្យស្រឡាញ់ ចែកចាយ និងអញ្ជើញនៅថ្ងៃនេះ និងជារៀងរហូតទៅ—ដើម្បីអញ្ជើញអ្នកដទៃឲ្យមកហើយមើល មកហើយជួយ និងមកហើយធ្វើជាកម្មសិទ្ធិ កាលសង្គ្រាមដដែលនោះ ដែលច្បាំងដើម្បីវាយយកព្រលឹងនៃបុត្រាបុត្រីរបស់ព្រះ កើតឡើងយ៉ាងក្ដៅគគុក ។…
កម្មវិធីកុមារ និងយុវវ័យគឺជាឧបករណ៏ព្យាករណ៍មួយ ដើម្បីជួយយុវវ័យឲ្យពង្រឹងសេចក្តីជំនឿដ៏អស្ចារ្យរបស់ប្អូនៗ ។… កាលដែលយុវវ័យត្រូវបានដឹកនាំ—ដឹកនាំ—ឲ្យរស់នៅក្នុងដំណឹងល្អ ការមើលថែដល់អ្នកដទៃ តាមរយៈការអញ្ជើញមនុស្សទាំងអស់ឲ្យមកទទួលយកដំណឹងល្អ ការបង្រួបបង្រួមក្រុមគ្រួសាររហូតអស់កល្ប និងការរៀបចំសកម្មភាពសប្បាយៗ នោះសេចក្តីជំនឿក្នុងព្រះគ្រីស្ទ ដែលបងប្អូនទាំងអស់គ្នាមាននៅក្នុងជីវិតមុនជីវិតលើផែនដី នឹងបង្ហាញឡើងវិញ និងផ្តល់អំណាចដល់បងប្អូនក្នុងការធ្វើកិច្ចការរបស់ព្រះអម្ចាស់នៅក្នុងជីវិតនេះ !