Konur á fyrri tíma endurreisnarinnar
Treysta Drottni
Þar sem Mary Ann Young þekkti Drottin fyrir tilstilli ritninganna var hún „nokkuð róleg í gegnum allan storminn,“1 sökum mikillar trúar sinnar.
Myndskreyting eftir Toni Oka
Mary Ann Angell var lánsöm að hafa alist upp á heimili þar sem ritningarlestur var hafður í fyrirrúmi. Henni var einkar annt um kenningar frelsarans.2 Henni lærðist snemma í lífi sínu að hún gat heyrt rödd Drottins fyrir tilstilli ritninganna og fundið huggun í kenningum hans.
Mary Ann heyrði hið endurreisa fagnaðarerindi Jesú Krists boðað í Rhode Island í Bandaríkjunum, árið 1831 og eftir að hafa lesið Mormónsbók snerist hún til trúar á fagnaðarerindið.
Hún flutti til Kirtland í Ohio um 1833, þar sem hún kynntist Brigham Young, sem hún giftist snemma árs 1834. Næstu 48 árin naut Mary Ann Angell Young leiðsagnar Drottins fyrir tilstilli ritninganna, í gegnum fjölda flutninga og rauna og bar óhagganlegt traust til hans.
Eiginmaður hennar fór t.d. í trúboð til Stóra-Bretlands árið 1839, aðeins 10 dögum eftir að hún hafði fætt dóttur þeirra, Alice. Í þá 20 mánuði sem fylgdu í kjölfarið glímdu Mary Ann og börnin þeirra sex við mikla erfiðleika. Þau þjáðust af veikindum og lifðu aðallega á kornbrauði, mjólk og nokkru garðgrænmeti.3 Mary Ann tókst að afla sér einhverrar atvinnu til að framfleyta fjölskyldunni og sjá um sig sjálfa og veik börnin sín. Drottinn hjálpaði þeim þó í gegnum þessa erfiðleika. Hún skrifaði eiginmanni sínum: „Það er dásamlegt að geta sett traust sitt á Drottin.“4
Mary Ann reiddi sig á þekkingu sína úr ritningunum og virtist skilja af mikilli sannfæringu að Drottinn væri alltaf með henni, elskaði hana og skildi hana, einkum í hinum mörgu raunum hennar. „Megi Drottinn leiða okkur í öllu og veita huggun á myrkustu og erfiðustu stundunum,“ var bæn hennar.5