Na Lotu e Vakarautaka na Veivuke kei na Veivakacegui

Ena vei gauna dredre kei na vei vanua cavaga e vuravura e gadrevi kina na veivuke, sa tomana tikoga na Lotu ena nona igu taucoko me vakayaco veivuke kei na veivakacegui, ka so na gauna e dau cakacaka vata kei na so tale na vei soqosoqo ni loloma kei na veitabana sega ni vakamatanitu. Ena ono na vula sa oti oqo, e a veivuke na Soqosoqo ni Veivukei ni Yalododonu Edaidai, na liga ni veivuke raraba ni Lotu, me rawa ni ra:

Vukea e dua na isoqosoqo ni veivuke sega ni saumi me vakaciciva na wai drodro ena vei vale ka ra tiko ena vei vanua dredre ni Matanitu o Navajo e New Mexico, Arizona, kei Utah, Amerika.
Veisoliyaka e rauta ni 2 na bilioni na ivakarau ni wainimate ni COVID-19 ki vei ira na lewenivanua ririkotaki ena 121 na matanitu kei na vei yasana.
Vakarautaka na iyaya ni veivuke vei ira na isenivalu ni Iciopea era tiko voli e Sudan ka vakakina ki vei ira na vei korokoro luvuci e Sudan. Na veitokoni talega era vukei kina o ira na dauteitei me ra bula vinaka tale mai ni oti na waluvu ka vakarautaka na kedra kakana kei ira tale eso ka vukei ira na matavuvale me ra bula rawati ira ena nodra vakatorocaketaka na nodra dui bisinisi.
Vukei ira e 9,000 na isenivalu kei ira na curuvanua ki na volekata e 190 na isoqosoqo ni loloma e Amerika, ka dolea yani vakaiwasewase na isolisoli vakailavo ka rauta tiko ni $5 na milioni ena lavo ni Amerika
Tomana tiko na vuli ka vakarautaka na kompiuta me ra vakayagataka o ira na mataboko kei ira ka vakaleqai tu na nodra rai vakavinaka mai French Polynesia.
Cakacakavata kei na vei mataisoqosoqo vakalotu tale eso kei na isoqosoqo ni itikotiko raraba me ra vukei na matavuvale biuvanua ena dua na vale ni tikovakawawa e Houston, Texas, Amerika.
Cakacakataka e 20 na cakacaka ni veivukei ni matedewa e Paraguay.
Veivuke ki Haiti ni oti e dua na uneune veivakarusai, ka ra vakayagataki na vale ni Lotu me ivakaruru ka vakarautaka na Lotu na kakana, wai, kei na iyaya tale eso.
Sotava na nodra gagadre bibi na isenivalu mai Afghanistan ka ra sa lai tiko voli e Qatar, Iurope, kei Amerika.

A veivuke talega na Lotu ki na yanuyani vaka Yatu Caribbean na Saint Vincent kei na Grenadines ena gauna ni kacabote ni ulunivanua ena vanua o ya; vakarautaki ira na cakacaka sega ni saumi me ra veivuke ena sasamaki kei na vakavinakataki vanua ena gauna e a labata kina na cagilaba na Gulf Coast kei Louisiana, e Amerika; ka soli veivuke ena gauna e a vakacaca kina na ualuvu ena so na yasai Jamani, Belgium, na Netherlands, Luxembourg, kei Switzerland.