Toso tikoga na Cakacaka ni Valetabu Vou

Me vaka ni sa vinaka tiko mai na ituvaki ni bula mai na matedewa, sa tekivu talega me sa toso tale na cakacaka ni valetabu kei na veika e salavata kaya kei na kena dola raraba kei na vakatabui. Na dolavi vakaiwasewase ni valetabu e sa toso tale tikoga, ka na veisau ni sa gadrevi vakakina me vaka na ituvaki ni nomuni vanua.

Esa vakayacori tiko na dolavi raraba ni valetabu mai Winnipeg, Manitoba, Kenada, ka na vakatabui ena ika 31 ni Okotova, 2021, kei na valetabu e Pocatello, mai Idaho, Amerika, ka na vakatabui ena ika 7 ni Noveba, 2021.

A vakatabui na Vale ni Vulagi vou ni Valetabu e Mesa Arizona ena Okosita 2021, ka na dolavi raraba na kena valetabu mai na ika 16 ni Okotova ki na ika 20 ni Noveba, ka vakayacori na kena vakatabui tale ena ika 12 ni Tiseba.

A vakatabui e dua na tiki makawa ni Valetabu e Nauvoo mai Illinois, Amerika, ka na qai vakuri vakamalua na kena vei tikina tale eso.

Sa vakarautaki me dolavi raraba na valetabu e Washington, D.C., Amerika, ni bera na kena vakatabui tale ena ika 19 ni June, 2022.

Ena Me ni yabaki oqo, a kacivaki kina e dua na valetabu me baleti Ephraimi, mai Utah, Amerika, ka vakasoburi na qele ni valetabu e Salvador, mai Brazil; Nairobi, mai Kenya; Phnom Penh, mai Cambodia; Neiafu, mai Toga; kei Tallahassee, mai Florida; Tooele, mai Utah; Syracuse, mai Utah; Helena, mai Montana; kei Pittsburgh, mai Pennsylvania, Amerika.

Ni oti na koniferedi raraba, a vakasoburi na qele ena ika 9 ni Okotova, 2021, me baleta na valetabu e Casper, mai Wyoming, Amerika, kei na 30 ni Okotova, 2021, me baleta na valetabu e Pago Pago, Samoa.

E sa toso tiko na kena vakavoutaki na valetabu e Hamilton, Niu Siladi; Hong Kong, Jaina; Tokyo, Japani; Columbus, Ohio, mai Amerika; kei Manti, mai Salt Lake City, kei St. George, mai Utah, Amerika.

Sa tomani tiko na tara ni 40 tale na valetabu ena veiyasai vuravura.