Nā te mau metua
Nō ’oe te fa’anahora’a a te Atua
E te mau metua here ē,
’A tuatāpapa ai tātou i te mau hōho’a, te mau tāpa’o ’e te mau ha’api’ira’a nō te Faufa’a Tahito, e māramarama maita’i a’e tātou i te fa’anahora’a a tō tātou Metua i te ao ra nō tātou ’e te ti’ara’a o Iesu Mesia i roto i te reira fa’anahora’a.
E nehenehe te mau parau pāpa’i i roto i te ve’a o teie ’āva’e e hōro’a mai ia ’outou i te mau mana’o nō te ha’api’ira’a i te mau tamari’i i roto i te Faufa’a Tahito ’e nō ni’a i te fa’anahora’a a te Atua nō tātou.
E ’ōpuara’a hanahana tā te Metua i te ao ra nō tāna mau tamari’i
Nō te aha e mea faufa’a ’ia māramarama i te fa’anahora’a nō te fa’aorara’a ? ’A fa’a’ohipa i « Te mau parau niu o te ’evanelia » i te ’api 10 nō te ha’api’i i tā ’outou mau tamari’i i te faufa’a nō te hi’ara’a o Adamu ’e o Eva. E nehenehe ’outou e hāmani ’āmui i te hō’ē tāpura nō te mau ha’amaita’ira’a ’e te mau rāve’a tā tātou e fāna’o nei i roto i teie orara’a nō te haerera’a mai tātou i te fenua nei.
I muri a’e i te tai’ora’a i te parau pāpa’i a Elder Quentin L. Cook i te ’api 6, ’a ’āparau ’ei ’utuāfare i te mau ha’amaita’ira’a tei tae mai i roto i tō ’outou orara’a nā roto i te ’itera’a ē, e fa’anahora’a tā te Atua nō te fa’aora i tāna mau tamari’i.
Te tuatāpapara’a i te Faufa’a Tahito
Ha’amaita’i i tā ’outou tuatāpapara’a nō te Faufa’a Tahito nā roto i te tai’ora’a i te mau parau pāpa’i i te mau ’api 20 ’e 26. E aha tā ’outou e ha’api’i nei ’o tē tauturu ia ’outou ’ia māramarama i te Faufa’a Tahito ? ’A ’āparau ’e to ’outou ’utuāfare nā roto i te pure nō ni’a i tā ’outou mau fā tuatāpapara’a i te Mai, pe’e mai i teie matahiti.
Te mau ha’apāpūra’a a te Mai, pe’e mai
Hi’o i te ’api 30 nō te hō’ē tātarara’a tāhōho’a nō te Poietera’a ’e te tahi atu mātēria nō te turu i tā ’outou tuatāpapara’a Mai, pe’e mai.