ព័ត៌មានសាសនាចក្រ
ប្រធាន ណិលសុន គឺជាប្រធានសាសនាចក្រដែលមានវ័យចំណាស់ជាងគេ
ប្រធាន រ័សុល អិម ណិលសុន ថ្មីៗនេះបានប្រារព្ធពិធីចម្រើនព្រះជន្ម ៩៨ វស្សារបស់លោក ដែលបានកើតនៅថ្ងៃទី ៩ ខែ កញ្ញា ឆ្នាំ ១៩២៤ ។ នៅថ្ងៃទី ១៤ ខែ មេសា ឆ្នាំ ២០២២ លោកបានក្លាយជាប្រធានសាសនាចក្រដែលមានវ័យចំណាស់ជាងគេក្នុងប្រវត្តិសាស្រ្តសាសនាចក្រ ។
ដោយការសញ្ជឹងគិតពីការបម្រើ និងជីវិតរបស់ប្រធាន ណិលសុន នោះប្រធាន ដាល្លិន អេក អូក ទីប្រឹក្សាទីមួយក្នុងគណៈប្រធានទីមួយ បានមានប្រសាសន៍ថា « លោកគឺជាអ្នកដឹកនាំដ៏បំផុសគំនិត និងឈ្លាសវៃ និងជាបុគ្គលដ៏សុភាពរាបសារ និងទន់ភ្លន់ដែលបងប្អូនសង្ឃឹមចង់នៅជិតជានិច្ច » ។
ប្រធាន ហិនរី ប៊ី អាវរិង ទីប្រឹក្សាទីពីរ បានបង្ហាញចំណាប់អារម្មណ៍របស់លោកអំពីតួនាទីរបស់ប្រធាន ណិលសុន ដែលជាព្យាការីរបស់ព្រះថា ៖ « រាល់ពេលយើងដើរចេញពីការិយាល័យ ប្រធាន អូក និងខ្ញុំបាននិយាយថា ‹ វាកើតឡើងម្តងទៀតហើយ › ។ បងប្អូននឹងឃើញថាវិវរណៈបានផ្តល់ឲ្យទៀតហើយ ។ បងប្អូននឹងឃើញលោកសូមដំបូន្មាន បន្ទាប់មក ការសម្រេចចិត្តនឹងផ្តល់ឲ្យ ហើយគ្រប់គ្នាក្នុងបន្ទប់ដឹងថា នោះគឺជារឿងត្រឹមត្រូវ និងមកពីព្រះ ។ លោកមានប្រសាសន៍ដោយស្ងប់ស្ងាត់ថា ‹ ខ្ញុំគិតថា នេះគឺជាអ្វីដែលព្រះអម្ចាស់ចង់ឲ្យយើងធ្វើ › ។ វាកើតឡើងម្តងហើយម្តងទៀត » ។