“Unsa ang Matudlo sa Plano sa Dios Kanato mahitungod Kaniya?,” Liahona, Peb. 2024.
Dali, Sunod Kanako
Unsa ang Matudlo sa Plano sa Dios Kanato mahitungod Kaniya?
Samtang si Jacob nagtudlo sa iyang katawhan mahitungod sa plano sa kaluwasan, siya nagmaya sa unsay gihimo nga posible sa Dios alang kanato, ilabi na sa pagbuntog sa pisikal ug espirituwal nga kamatayon. Ang mga pagdayeg ug mga pagtulon-an ni Jacob makatabang kanato nga makaila sa pipila sa diosnong mga hiyas sa Dios. Kon atong maila kon giunsa sa Dios paggamit niini nga mga hiyas sa pagpanalangin sa atong mga kinabuhi, kita makaugmad og mas suod, mas masimbahon nga relasyon ngadto Kaniya.
Diosnon nga mga Hiyas
Samtang kamo magtuon sa 2 Nephi 9, ikonsiderar ang pagpangita sa diosnon nga mga hiyas nga gidayeg ni Jacob.
Sa unsang paagi ang matag usa sa mosunod magdala kanato og kalipay?
-
Kaalam (bersikulo 8)
-
Kaluoy (mga bersikulo 8, 19, 53)
-
Grasya (mga bersikulo 8, 53)
-
Kaayo (bersikulo 10)
-
Pagkagamhanan (mga bersikulo 17, 40)
-
Kaangayan (bersikulo 17)
-
Pagkabalaan (bersikulo 20)
-
Pagkamatarong (bersikulo 41)
Sunda ang sundanan ni Jacob ug sulati ang blangko sa mga hiyas nga imong nakita nga gipakita sa Dios: “O unsa kamahinungdanon sa ________ sa atong Dios.”
Timan-i kon sa unsang paagi kadto nga mga hiyas may kalabotan sa unsay nabuhat sa Dios. Unsa ang dagko nga mga butang nga Iyang nabuhat tungod kon kinsa Siya?