15 ka Talagsaon nga mga Bahin sa App sa Basahon ni Mormon App

Ni Mike Judson

Departamento sa Kasaysayan sa Pamilya [Family History Department]

Gamit og app sa paghimo sa pagpakigbahin sa ebanghelyo nga mas masayon sukad masukad! Ang 15 ka ideya sa ubos nga gidagko ang mga titik mahimong ilabi ka makatabang.

Imahe

duha ka babaye nangatawa ug nag-istorya

Nakasulay ka na ba sa imong kaugalingon nga nakig-istoryahay sa usa ka estranghero kalabot sa ebanghelyo? Tingali diha sa usa ka bus, diha sa parke, o sa linya alang sa pagkaon. Ang hilisgotan kabahin ni Jesukristo ug sa Iyang mga pagtulon-an makaabot hapit bisan asa, bisan unsang orasa.

Kon ikaw nakasulay og sitwasyon sama niini, nakaplagan ba nimo ang imong kaugalingong nangandoy nga ikaw adunay usa ka butang nga makahuloganon nga ikaw makabilin ngadto sa imong bag-ong higala—usa ka butang nga mahimong moawhag niini nga tawo sa pagpadayon sa pagkat-on mahitungod sa Manluluwas ug sa Iyang ebanghelyo? Tingali ikaw nahibalo nga sila nagkinahanglan sa gahom sa Basahon ni Mormon sa, ingon nga nakatudlo si Presidente Russell M. Nelson, “pag-ayo, paghupay, pagpahiuli, pagtabang, paglig-on, pagpakalma, ug pag-abiba [sa ilang] mga kalag.”¹

Dili tanan nagdala og usa ka Basahon ni Mormon diha sa pitaka o bulsa, apan daghan kanato nagdala og cell phone ug maka-akses ngadto sa app nga sayon dad-on ug ipakigbahin! Usahay kini nga digital nga bersyon gani makahimo nga mas epektibo nga maanaa dayon kay sa usa ka gi-imprinta nga basahon.

Kini gitawag og ang app sa Basahon ni Mormon. Kon ikaw wala pa makadiskobre niini, pangandam nga matingala!

Ikaw labi nga makagusto kon giunsa niini nga app nga makatabang kanato sa paglihok diha sa tambag ni Elder Ronald A. Rasband sa Kurom sa Napulog Duha ka Apostoles sa “pagsunod sa atong minahal nga propeta, si Presidente Nelson, sa pagpakatap sa yuta sa Basahon ni Mormon. Ang panginahanglan dako kaayo; kita kinahanglang molihok karon dayon.”²

Ang Imong Basahon Makahimo ba Niana?

Walay bisan usa gayod nga makapuli sa pagbati nga nalipay sa usa ka maayong basahon, ug ang Basahon ni Mormon usa ka labing maayo nga basahon nga mahimong komportable uban niini! Apan ang imong papel nga kopya makabasa ba sa kaugalingon niini nganha kanimo? Kini makahimo ba sa pagpahayag sa mga pulong nganha kanimo diha sa kangitngit o sa pagdugang sa gidak-on sa titik aron sa paghimo niini nga mas sayon sa pagbasa? Ang app sa Basahon ni Mormon makahimo niadtong mga butanga! Ug kini makahimo sa mas sobra pa kay sa 100 ka pinulongan! Ania pay dugang sa unsay mahiimo sa app sa Basahon ni Mormon:

Ang tibuok pundok sa Mga Video sa Basahon ni Mormon, lakip niadtong naghulagway sa pagbisita ni Jesukristoi ngadto sa karaang mga America.
Mga video nga nagpaila sa Basahon ni Mormon ug mahitungod kini sa unsa.
Mga video nga nakigbahin sa mga kasinatian sa uban kinsa nakakaplag og kalig-on ug mga tubag ngadto sa mga hagit sa kinabuhi diha sa Basahon ni Mormon.
Ang abilidad sa pagsugod og usa ka tinuod nga panahon sa pakigsulti ngadto sa usa ka misyonaryo kon usa ka pangutana motunga nganha sa imong hunahuna.
Impormasyon alang sa pagkontak og lokal nga mga misyonaryo ug pagpangita og kongregasyon aron makasimba.

Ang app sa Basahon ni Mormon nagtanyag tanan niini ug daghan pa!

Usa ka Propetikanhong Pagdapit sa Pagpakigbahin sa Basahon ni Mormon

“Ako modapit ninyo, karong adlawa, nga mohatag sa Basahon ni Mormon ngadto sa inyong mga higala ug pamilya, mga kauban sa trabaho, sa inyong coach sa soccer o sa tindero dinha sa inyong merkado. Sila nagkinahanglan sa mga pulong sa Ginoo nga makita dinhi sa basahon. Sila nagkinahanglan og mga tubag sa mga pangutana sa inadlaw nga kinabuhi ug sa kinabuhing dayon nga moabot. Sila nagkinahanglan nga masayod bahin sa dalan sa pakigsaad nga giandam alang nila ug sa gugma sa Ginoo alang nila. Kining tanan ania dinhi sa Basahon ni Mormon.

“Kon kamo mohatag kanila og Basahon ni Mormon, kamo nag-abli sa ilang mga hunahuna ug mga kasingkasing ngadto sa pulong sa Dios. Kamo dili kinahanglan nga magdala og giimprinta nga mga kopya sa basahon. Kamo dali nga makapakigbahin niini gikan sa inyong mobile phone gikan sa seksiyon sa mga kasulatan sa Gospel Library nga app.

“Hunahunaa ang tanan niadtong kinsa mahimong mapanalanginan sa ebanghelyo diha sa ilang mga kinabuhi, ug dayon padad-i sila og kopya sa Basahon ni Mormon gikan sa inyong telepono. Hinumdomi ang paglakip sa inyong pagpamatuod ug sa unsang paagi nga kini nga basahon nakapanalangin sa inyong kinabuhi.”

Si Elder Ronald A. Rasband sa Korum sa Napulog Duha ka Apostoles, “Karong Adlawa,” Liahona, Nob. 2022, 27.

Gihimo aron Mahimong Ipakigbahin

Tingali ang usa sa labing nindot nga bahin sa Basahon ni Mormon nga app mao ang giapil ug himo nga mga kasarang sa pagpakigbahin niini. Sa usa ka tuplok, ikaw makahimo sa pagpakita og usa ka simbolo nga ang ubang mga tiggamit og smartphone makahimo sa pag-scan aron makadiretso ngadto sa app diha sa online nga app store. Kon mag-download og app nga Basahon ni Mormon, kini awtomatik nga makaila sa pinulongan sa himan sa tigdawat ug i-download ang app nga Basahon ni Mormon diha sa ilang pinulongan. Handurawa kon unsa ka sayon kana nga himoon sa usa ka tabok sa dagat nga biyahe, diha sa tren nga de pasahero, o gani diha sa imong lungsod nga natawhan!

Ang ubang pagpakigbahin nga mga kapilian naglakip sa abilidad sa pagpadala og download nga link pinaagi sa text, email, ug daghan pa.

I-download ang App Karon!

Sa pag-download sa walay bayad nga app sa Basahon ni Mormon alang sa imong kaugalingon ug sa uban, pangitaa lamang ang “Book of Mormon app” diha sa imong online app store.