Wōjke in Mour eo

Pija

Liai ej kōnono n̄an baam̧le eo

Juon bon̄, Liai eaar bōk juon ettōņak jān Irooj. Ekar jiron̄ baam̧le eo an kōn ettōņak eo.

1 Nipai 8:2–4

Pija

enjeļ eo ej kōnono n̄an Liai

Ilo ettōņak eo an, Liai ekar lo juon em̧m̧aan ilo juon liboror mouj. Em̧m̧aan eo ekar jiron̄ Liai n̄an ļoor e.

1 Nipai 8:5–6

Pija

Liai ilo marok lep

Liai ekar lo bwe ekar pād ilo marok im juon jikin ejjeļo̧k kobban. Ekar etetal ium̧win elōn̄ awa ko. Bōtaab marok lep eo ekar jab jako. Āliktata, Liai ekar jar kōn jipan̄.

1 Nipai 8:7–8

Pija

Liai ej kalimjōk wōjke eo kōn leen

Ke Liai ekar mōj an jar, ekar lo juon meļaaj ļapļap. Ilo meļaaj eo ekar wōr juon wōjke kōn leen eo emouj. Liai ekar ļōmņak leen eo enaaj kar kōm̧m̧an bwe en m̧ōņōņō, kōn menin ekar m̧ōn̄ā. An ekar obrak kōn lan̄lōn̄.

1 Nipai 8:9–12

Pija

Liai ej kan̄ leen eo ilo an Saraia, Sam im Nipai jutak iturin reba eo

Leen eo ekar ennoļo̧k jān jabdewōt leen ko jet. Ekar tōn̄al im kaijoļjoļ. Liai ekar kōņaan leļo̧k n̄an ippān baam̧le eo an. Ekar jeļā enaaj kar kōm̧m̧an bwe ren m̧ōņōņō barāinwōt. Liai ekar lo Saraia, Sam, im Nipai jutak turin juon reba. Raar āinwōt raar jōbwābwe. Liai ekar ikkūrļo̧k n̄an er ilo juon ainikien eļap. Ekar kajjitōk ippāer n̄an etal im m̧ōn̄ā leen eo.

1 Nipai 8:11–15

Pija

Leman im Laemuel rej etetalļo̧k jān

Saraia, Sam, im Nipai raar itok n̄an wōjke eo im kar m̧ōn̄ā leen eo. Liai ekar kappukōt Leman im Lemuel. Ekar kōņaan bwe ren bōk eo barāinwōt. Bōtaab rekar jab itok im m̧ōn̄ā leen eo.

1 Nipai 8:16–18

Pija

armej ro rej itok n̄an wōjke eo

Innām Liai ekar lo juon iaļ ippān juon aen in depdep me ekar tōlļo̧k n̄an wōjke eo. E ekar lo elōn̄ armej ro rej etetal ioon iaļ eo. Ejjab to, juon marok lep emijel ekar itok. Marok lep eo ekar kōm̧m̧an bwe en pen n̄an loe. Iaļ eo wōt n̄an tōprakļo̧k wōjke eo ekar n̄an jirok aen in dāpdpe eo.

1 Nipai 8:19–24

Pija

pā eo ej jibwe aen eo

Jet raar ilo̧k jān iaļ eo im jōbwābwe. Ro jet raar dāpij aen in dāpdep eo im wōnm̧aanļo̧k.

1 Nipai 8:23–24

Pija

kōrā eo ej m̧ōn̄ā leen eo

Ke raar tōprakļo̧k wōjke eo, raar m̧ōn̄ā leen eo.

1 Nipai 8:24

Pija

wōjke, reba, im m̧weo eļap

Liai ekar reilōn̄ļo̧k im lo juon em̧ eļap ekar obrak kōn elōn̄ armej ro. Raar kōm̧m̧an kōjak kōn armej ro me raar mōn̄ā leen eo. Ro me raar mōn̄ā leen eo kar nana aer mour ke ro jet raar ettōn̄ kake er, kōn menin raar ilok jān wōjke eo. Raar jōbwābweļo̧k im kar jako.

1 Nipai 8:25–28, 31–32

Pija

armej ro ilo wōjke eo

Ilo ettōņak eo an, Liai ekar lo elōn̄ļo̧k armej ro me raar buuļ dāpdep n̄an aen in dāpde eo. Raar wōnm̧aanļo̧k juon bun̄tōn ilo̧k juon bun̄tōn m̧ae iien eo raar tōpar wōjke eo. Innām raar bukwelōlō ilo wōjke eo im m̧ōn̄ā leen eo. Raar jab ron̄jake armej ro ilo m̧weo eļap. Raar kāālet n̄an jar ilo wōjke eo.

1 Nipai 8:30, 33

Pija

Liai ej kōnono n̄an baam̧le eo

Ke Liai ekar ruj, ekar inepata kōn Leman im Lemuel. Raar jab m̧ōn̄ā leen eo ilo ettōņak eo an. Liai ekar iakwe Leman im Lemuel. Ekar kōjatdikdik renaaj kar epakeļo̧k Irooj. Ekar kajjitōk ippāer n̄an kōjparok kien ko an Anij.

1 Nipai 8:36–38