Juon Lan̄ ioon Lojet

Pija

baam̧le ko rej būktok m̧ōn̄ā ko n̄an ioon wa eo

Irooj ekar jiron̄ Liai bwe ekar iien n̄an iuweļo̧k ioon wa eo. Baam̧le ko raar āt elōn̄ ekkan ko n̄an m̧ōn̄ā ilo aer ito itak. Innām raar aolep iuweļo̧k ioon wa eo im jerakļo̧k n̄an āneen kallim̧ur eo.

1 Nipai 18:5–8

Pija

armej ro rej karōk ioon wa eo

Ālkin elōn̄ raan ko ilo lo̧jet, jet iaan armej ro raar jino jaje kautiej im lāj. Raar meļo̧kļo̧k bwe Irooj eo ekar jipan̄ er.

1 Nipai 18:9

Pija

Lemuel, Nipai, im Leman ioon wa eo ippān juon lan̄ ej itok

Nipai ekar inepata bwe remaron̄ in kar kalluik Irooj. An ejjeļo̧k an Irooj jipan̄, wa eo waer eban kar pād ilo kōjparok. Nipai ekar kajjitōk ippān ļōm̧aro jein n̄an bōjrak.

1 Nipai 18:10

Pija

Leman im Lemuel rej liāp Nipai

Leman im Lemuel raar illu ippān Nipai. Raar liāp e im kar lāj n̄an e. Raar jab pokake Irooj, im Liaona eo ekar bōjrak an jerbal. Ejjab to juon ļan̄ eļap ekar itok. Ālkin jilu raan ko ilo ļan̄ eo, raar aolep leln̄on̄ bwe renaaj kar douj.

1 Nipai 18:10–13

Pija

kōrā eo ej akweļap n̄an Leman im Lemuel

Baam̧le eo an Nipai raar akweļap n̄an Lemen im Lemuel n̄an mejaļļe Nipai. Bōtaab Leman im Lemuel raar jab wōt kōtļo̧k an jabdewōt mejaļļe Nipai. Saraia im Liai raar būrom̧ōj im jino lukkuun nan̄inmej. Ļan̄ eo ekar jab bōjrak.

1 Nipai 18:17–19

Pija

Nipai ippān Liaona eo

Ilo raan eo kein kemān, Leman im Lemuel raar jeļā bwe wa eo ekar poojak in douj. Raar ukweļo̧k im mejaļļe Nipai. Ke Nipai ekar jar, ļan̄ eo ekar bōjrak. Liaona eo bar juon alen jerbal. Nipai ekar kōjerbale n̄an kōjbwebweik wa eo ilo iaļ eo ejim̧we.

1 Nipai 18:14–15, 20–22

Pija

Baam̧le ko rej to jān wa eo im Liai ej jar

Ālkin elōn̄ raan ko, baam̧le ko raar tōkāāk ļo̧k ilo āneen kallim̧ur eo.

1 Nipai 18:23