Gideon, Alma, im Nior

Pija

Alma eo Edik ej ron̄jake jemān.

riNipai ro raar kāālet Alma eo Edik n̄an aer riekajet eutiej. Alma ekar barāinwōt pris eutiej eo an Kabun̄ eo.

Mosaia 29:41–44

Pija

Nior ej jitōn̄ļo̧k mejatoto

Juon em̧m̧aan kar ņa etan Nior ekar jino katakin armej ro men ko ekar ba naan eo an Anij. Bōtaab ekar katakin armej ro bwe rejjab aikuj in pokake Anij ak ukweļo̧k.

Alma 1:2–4, 15

Pija

armej ro rej bōkļo̧k jāān n̄an Nior

Elōn̄ armej raar kōņaan im tōmak ta eo Nior ekar ba. Ekar kōņaan bwe armej ro ren leļo̧k n̄an e jāān im nōbar e. Ekar katakin bwe e ekar em̧m̧anļo̧k jān armej ro jet. Ekar kōm̧m̧an an make kabun̄, im elōn̄ armej raar ron̄jake e.

Alma 1:3, 5–6

Pija

Nior ekar akweel ippān Gideon

Juon raan, Nior ekar ioon juon em̧m̧an erūtto kar etan Gideon. Gideon ekar juon rūkaki ilo Kabun̄ eo an Anij im ekar kōm̧m̧an elōn̄ em̧m̧an ko. Nior ekar kōņaan bwe armej ro ren ilo̧k jān Kabun̄ eo, kōn menin ekar akweel ippān Gideon. Gideon ekar kōjerbal naan ko an Anij n̄an kwaļo̧k bwe Nior ekar jab katakin m̧ool eo. Nior ekar illu! Kar kamej Gideon kōn jāje eo an.

Alma 1:7–9, 13

Pija

Nior ej akweel ippān Alma

Armej ro raar bōkļo̧k Nior n̄an Alma n̄an an kar ekajet. Nior ekar kajjieon̄ bōbrae ta eo ekar kōm̧m̧ani. Ekar jab kōņaan bwe en kaje.

Alma 1:10–11

Pija

Alma ej kōm̧m̧ane ekajet eo

Alma ekar ba bwe katak ko an Nior raar bōd im maron̄ kar kōmetak armej. Alma ekar ļoor kien eo. Kōnke Nior ekar m̧an Gideon, kar leļo̧k e Nior n̄an mej.

Alma 1:12–15

Pija

Alma ej ļōmņak kōn armej ro

M̧okta jān an mej, Nior ekar jiron̄ armej ro bwe ekar riab. Ekar jab katakin naan eo an Anij. Men̄e Nior eaarr ba ekar bōd, elōn̄ armej raar ļoor waanjon̄ak eo an. Raar riab n̄an armej ro n̄an bōk nebar im jāān. Bōtaab armej ro jet raar ron̄jake Alma. Raar bōk eddo in lale rijeram̧ōl im kar kōjeparok kien ko an Anij.

Alma 1:15–16, 25–30