ሞዛያ 25–28

መለወጥ ግላዊ ነው —ለልጅ ልጅ እንደ ውርስ ሊተላለፍ አይችልም። ሞዛያ 26፡1–6ን ስታነቡ፣ “በማደግ ላይ ያሉ ትውልዶች” የወደቁበትን ምክንያቶች አስቡ እንዲሁም አለማመናቸው የሚያስከትለውን መዘዝ አስተውሉ። ወደ ክርስቶስ ልታመጧቸው ስለምትፈልጓቸው ሰዎችም ታስቡ ይሆናል። በሞዛያ 25–28 ላይ ባደረጋችሁት ጥናት ሁሉ፣ በኢየሱስ ክርስቶስ ላይ እምነት እንዲያሳድጉ ለመርዳት ልታደርጓቸው የምትችሏቸውን ነገሮች መንፈስ በሹክሹክታ ሊናገር ይችላል።

አንዳንድ ጊዜ እንደ አልማ ያለ የቤተክርስቲያን መሪ ምን ማድረግ እንዳለበት ሁል ጊዜ በትክክል ያውቃል ብለን እናስብ ይሆናል። በሞዛያ 26 ውስጥ አልማ በቤተክርስቲያን ውስጥ ስላጋጠመው ችግር እናነባለን። አልማ በዚህ ሁኔታ ውስጥ ምን አደረገ? ( ሞዛያ 26፡13–14፣ 33–34፣ 38–39 ይመልከቱ)። በቤተሰባችሁ ወይም በቤተክርስቲያን አገልግሎት ውስጥ ያሉ አስቸጋሪ ሁኔታዎች እንዴት መፍታት እንደምትችሉ የአልማ ልምድ ምን ይጠቁማል?

በሞዛያ 26፡15–32 ውስጥ ጌታ አልማን ምን አስተማረው? አንዳንድ የጌታ መልሶች ለአልማ ጥያቄ ቀጥተኛ ምላሽ እንዳልነበሩ አስተውሉ። ይህ ስለ ጸሎት እና የግል መገለጥ ምን ይጠቁማል?

ንስሃ እና ስርየት በሞዛያ 26–27 ውስጥ ያሉ ተደጋጋሚ ጭብጦች ናቸው። በሞዛያ 26፡22–24 29–31፤ 27፡23–37 ስለ ንስሐ እና ስርየት የሚያስተምሩ ቃላትን እና ሀረጎችን ፈልጉ።

አንዳንድ ሰዎች እግዚአብሔር በእርግጥ ይቅር ብሏቸው እንደሆን ያስቡ ይሆናል። ሽማግሌው አልማ ይህ ለሚያሳስበውን በዛራሔምላ የሚገኘን የቤተክርስቲያን አባል እንዴት የሚመክረው ይመስላችኋል? አልማ ይህንን የቤተክርስቲያኗን አባል ሊረዳው የሚችለውን ከሞዛያ 26፡15–31 ከጌታ ምን ተማረ? (በተጨማሪም ሞሮኒ 6፡8፤ ትምህርት እና ቃል ኪዳኖች 19፡16–18፤ 58፡42–43 ይመልከቱ)።

ምስል

የሴሚነሪ መለያ

ሞዛያ 27፡8–37፤ 28፡1–4

በኢየሱስ ክርስቶስ በኩል ወደ ተሻለ ሁኔታ መለወጥ እችላለሁ።

ታናሹ አልማ መንፈሳዊ ዳግም መወለድ እንደሚያስፈልገው ግልጽ ነበር። እሱ እና የሞዛያ ልጆች “ከሁሉ በላይ መጥፎ የሆኑ ኃጢአተኞች” (ሞዛያ 28፡4) ነበሩ። ነገር ግን ከተለወጠ በኋላ ብዙም ሳይቆይ፣ መለወጥ ለሁሉም አስፈላጊ እንደሆነ አልማ መስክሯል፡- “አትደነ[ቁ] … ሁሉም… በድጋሚ መወለድ ይገባቸዋል” (ሞዛያ 27፡25፤ አጽንዖት ተጨምሮበታል) ሲል ተናግሯል፣።

በሞዛያ 27፡8–37 ውስጥ ስላለው የአልማ ልምድ ስታነቡ፣ ራሳችሁን በሱ ታሪክ ውስጥ ለማስገባት አስቡ። በእናንተ ውስጥ መለወጥ ስላለባቸው ነገሮች ማሰብ ትችላላችሁ? እንደ አልማ አባት “በታላቅ እምነት” ማን እየጸለየላችሁ ሊሆን ይችላል? “[እናንተን] የእግዚአብሄርን ኃይልና ሥልጣን ለማሳመን” የረዱት የትኞቹ ተሞክሮዎች ናቸው? ( ሞዛያ 27፥14) ጌታ ለእናንተ ወይም ለቤተሰባችሁ “ማስታወስ” ያለባችሁን ምን “ታላቅ ነገር” አደረገ? (ሞዛያ 27፥16) ዳግመኛ መወለድ ምን ማለት እንደሆነ ከትንሹ አልማ ቃል እና ድርጊት ምን ተማራችሁ? ምን ምሳሌዎችን አያችሁ?

ምንም እንኳን ገጠመኞቻችሁ እንደ አልማ አይነት ድራማዊ ወይም ድንገተኛ ባይሆኑም አዳኙ እንድትቀየሩ ወይም እንደገና እንድትወለዱ የሚረዳችሁን አንዳንድ መንገዶች ለመመዝገብ ትንሽ ጊዜ ውሰዱ። እንደ “I Stand All Amazed” አይነት ስሜታችሁን የሚገልጽ መዝሙር ልትዘምሩ ወይም ልትሰሙ የምትችሉት መዝሙር አለ? (መዝሙሮች፥ ቁጥር 193)። የእናንተን ተሞክሮ በመስማት ማን ሊጠቀም ይችላል?

ሽማግሌ ዴቪድ ኤ. ቤድናር ዳግመኛ መወለድን ኪያር ወደ ኮምጣጤነት ከሚቀየርበት ሂደት ጋር አነጻጽሮታል (“ዳግመኛ መወለድ አለባችሁ [Ye Must Be Born Again]” ሊያሆና፣ ግንቦት 2007 (እ.አ.አ)፣ 19–22 ይመልከቱ)። ይህ ንጽጽር ስለ መለወጥ ምን ያስተምራል?

በተጨማሪም የወንጌል ርዕሶች “እንደ ኢየሱስ ክርስቶስ ሁኑ [Become like Jesus Christ]፣” የወንጌል ቤተ መጻሕፍት፤ “አልማ ከእግዚአብሔር መወለዱን ይመሰክራል [Alma Testifies He Has Been Born of God]” (ቪዲዮ)፣ የወንጌል ቤተ መጻሕፍት ውስጥ ይመልከቱ።

ምናልባት እናንተ አጥፊ ምርጫዎችን በሚያደርግ የቤተሰብ አባል ምክንያት በአዛውንቱ አልማ ሁኔታ ውስጥ ገብታችሁ ይሆናል። ከሞዛያ 27:8–24 ላይ ተስፋ የሚሰጣችሁን ምን ታገኛላችሁ? እነዚህ ጥቅሶች ለሌሎች በምትጸልዩ ጊዜ ተጽዕኖ ሊያሳድሩ የሚችሉት እንዴት ነው?

• ልጆቻችሁ ጌታ አልማን ስለ ይቅርታ ያስተማረውን እንዲያውቁ ለመርዳት ሞዛያ 26፡29–31ን እንዲያነቡ እና “ይቅር [ማለት]” የሚለው ቃል ስንት ጊዜ እንደሚገኝ እንዲቆጥሩ አድርጓቸው። እነዚህ ጥቅሶች ሌሎችን ይቅር ስለማለት ምን ያስተምራሉ? (በተጨማሪም “እርዳኝ ውድ አባት፣” የልጆች መዝሙር መፅሐፍ 99 ይመልከቱ።)

• የአዳኙን የይቅርታ ምሳሌ ለማጉላት፣ በመስቀል ላይ የእሱን ምስል ማሳየት እና ሉቃስ 23፡33–34ን አብራችሁ ማንበብ ትችላላችሁ። ኢየሱስ በመስቀል ላይ የሰቀሉትን ሰዎች የሰማይ አባት ምን እንዲያደርግ ጠየቀ? ከዚህ ውይይት በኋላ ልጆቻችሁ እርስ በርሳቸው ይቅር የመባባል ጨዋታ መጫወት ይችላሉ።

• አንዳንድ ጊዜ ስህተት ስንሠራ ራሳችንን ይቅር ማለት ከባድ ነው። እግዚአብሔር ለአልማ የተናገራቸው ቃላት እንዴት ሊረዱ ይችላሉ? ልጆቻችሁ እግዚአብሔር ይቅር ይለኛል ብሎ ከማያስብ ሰው ጋር እየተነጋገሩ እንደሆነ ሊያስመስሉ ይችላሉ። በሞዛያ 26፡22–23፣ 29–30 ውስጥ ያንን ሰው ሊረዳ የሚችል ነገር እንዲፈልጉ ልጆቻችሁን ጋብዟቸው።

• የታናሹ አልማ እና የሞዛያ ልጆች መለወጥ በአዳኙ ኃይል ማንም ሰው መለወጥ እንደሚችል ለልጆቻችሁ ሊያሳይ ይችላል። እናንተ ወይም ልጆቻችሁ በዚህ ዝርዝር ውስጥ ያሉትን ሥዕሎች፣ የዚህ ሳምንት የአክቲቪቲ ገጽ እና የተወሰኑ ቁልፍ ጥቅሶችን ከሞዛያ 27፡8–37 በመውሰድ ታሪኩን ለመንገር ልትጠቀሙ ትችላላችሁ (በተጨማሪም በ“ምዕራፍ 18፡ ታናሹ አልማ ንስሃ ገባ” የሚለውን የመፅሐፈ ሞርሞን ታሪኮች፣ 49-52 ይመልከቱ)። አልማ ንስሃ እንደገባ እና ኢየሱስ ክርስቶስ እንዲለውጥ እንደረዳው ለማስተማር ለቁጥር 24 ልዩ ትኩረት ስጡ። ከፈለጉ ልጆቻችሁ ታሪኩን እንዲተውኑ አድርጉ።

• አንድ ላይ ሞዛያ 27፡8–24 አንብቡ፤ ከዚያም ልጆቻችሁ አልማ እና ህዝቡ ታናሹን አልማ ለመርዳት ያደረጉትን ነገር እንዲለዩ ጠይቋቸው። ለሆነ ሰው ጾማችሁ እና ጸልያችሁ ታውቃላችሁ? ተሞክሮዎቻችሁን ለልጆቻችሁ አካፍሉ እንዲሁም የራሳቸውን እንዲያካፍሉ አድርጉ።

• እናንተ ወይም ልጆቻችሁ የእግዚአብሔርን እርዳታ የሚፈልግ ሰው ታውቃላችሁ? የአልማን ምሳሌ በመከተል፣ ምናልባት አንድ ላይ ለዚያ ሰው መጸለይ እንዲሁም ልጆቻችሁ ከቻሉ መጾም ትችላላችሁ።