Punaoa Faaopoopo mo le Aoaoina o Tamaiti

E mafai ona fetuunai ni gaoioiga mai lenei punaoa mo le faaaogaina i lau vasega Peraimeri. Tusa lava pe faaaoga e matua nei gaoioiga i le fale mo a latou fanau, o le faifaafia e mafai ona avea o se auala aoga e fesoasoani ai i tamaiti e aoao. E ono mananao tamaiti e faamatala pe na faapefea ona latou faia gaoioiga ma o latou aiga ma mea sa latou aoaoina.

E tele autu o loo aoao i le tusi lesona a le vasega pepe e pei foi o lesona o loo e aoao atu i le Peraimeri. Aemaise pe a o e faiaoga i tamaiti laiti ifo, mafaufau e vaavaai i le tusi lesona a le vasega pepe mo ni pese faaopoopo, gaoioiga, ma ata.

O mekasini o le Friend ma le Liahona e maua ai tala ma gaoioiga e mafai ona faaopoopo i mataupu faavae o loo e aoao atu mai le Sau, Mulimuli Mai—Mo le Peraimeri.

O musika paia e valaaulia ai le Agaga ma aoao atu le aoaoga faavae i se ala e manatua pea. E le gata i lomiga lolomi o Viiga ma le Tusipese a Tamaiti, e mafai foi ona e maua lipine faalogologo ma matamata ai o le tele o viiga ma pese a tamaitii i le music.lds.org po o le LDS Music App.

Tala o le Feagaiga Fou (2005) e mafai ona fesoasoani i tamaiti e aoao ai le aoaoga faavae ma tala o loo maua i le Feagaiga Fou. E mafai foi ona e maua vitio o nei tala i le medialibrary.lds.org.

Galuega o faatufugaga, vitio, ma isi faasalalauga e mafai ona fesoasoani ia te oe ma tamaiti e vaai faalemafaufau ai i aoaoga faavae ma tala o loo maua i le Feagaiga Fou. Asiasi i le medialibrary.lds.org e sue ai le ofaga o punaoa faasalalau a le Ekalesia, e aofia ai Vitio o le Tusi Paia, ia o loo faaali mai ai mea o tutupu i le Feagaiga Fou.

E mafai ona fesoasoani galuega o faatufugaga i tamaiti e vaai faalemafaufau ai i le aoaoga faavae ma tala o loo maua i le Feagaiga Fou. E tele ata e mafai ona e faaaogaina i le vasega o loo maua i le Tusi Ata o le Talalelei ma i le medialibrary.lds.org

I le lds.org/children/resources e mafai ona e maua ai se faasino autu o tala o mekasini, gaoioiga, ma faasalalauga i autu eseese o le talalelei.

A e manaomia se fesoasoani faaopoopo e malamalama ai i mataupu faavae amata o le a e aoao atu i tamaiti, mafaufau e vaavaai i le Faamaoni i le Faatuatua (2004). O le tusi lea e maua ai faamalamalamaaga faigofie o autu o le talalelei, o loo lisi atu i lona faatulagaga i le pi faitau.

Ata

teineitiiti i le vasega o loo tusitusi i luga o le laupapa

E mafai ona fesoasoani lenei punaoa ia te oe e aoao ai ma faaaoga mataupu faavae o le aoao atu e faapei o Keriso. O nei mataupu faavae e talanoaina ma faaa’oa’o i le fonotaga a faiaoga.