“O Se Mamanu mo le Aoao Atu,” Sau, Mulimuli Mai ia e Au—Mo le Peraimeri: Feagaiga Fou: 2019 (2019)
“O Se Mamanu mo le Aoao Atu.” Sau, Mulimuli Mai ia te Au—Mo le Peraimeri: 2019
O Se Mamanu mo le Aoao Atu
I lenei punaoa, o le a e maua ai le fai faafia o le mamanu lea i otootoga taitasi: valaaulia le fefaasoaai, aoao atu le aoaoga faavae, ma fautuaina le aoaoina i le fale. I le tele o tulaga, a o e aoao atu, e ono fesopoai elemene o lenei mamanu pe tulai mai foi i se faasologa e ese ai. Mo se faataitaiga, mafaufau o le fefaasoaai o se avanoa e aoao atu ai le aoaoga faavae, ma o le aoao atu o le aoaoga faavae e tatau ona aofia ai ia valaaulia e faasoa. E faapena foi, o le fautuaina o le aoao i le fale e mafai ona tupu i le taimi atoa o se talanoaga a le vasega. Faataga lea fesopoai e tupu lava ia, mulimuli i uunaiga a le Agaga e taulima ai manaoga o tamaiti e te faiaoga ai.
Valaaulia le Fefaasoaai
E avea o se vaega o vasega taitasi, valaaulia tamaiti e faasoa mai o latou lagona, malamalamaaga ma aafiaga e uiga i mataupu faavae o i le otootoga. O a latou faamatalaga e ono aofia ai aafiaga sa latou maua a o aoao i le fale. E te ono toeiloiloina foi mea sa latou aoaoina i le vaiaso ua te’a ma fesili pe na faapefea ona tosina ai o latou olaga.
Aoao atu Aoaoga Faavae
E mafai ona fesoasoani leSau, Mulimui Maiia te Au—Mo Tagata Taitoatasi ma Aiga i le faamalamalamaina o le aoaoga faavae o le a e aoao atu. Fuafua pe o a fuaiupu o mau, upusii, aafiaga, fesili, ma isi punaoa e te manao e faasoa atu e fesoasoani ai i tamaiti ia aoao ma faatino mataupu faavae o le talalelei. Vaavaai mo auala fatufatu e fesoasoani ai ia i latou e sagisagi fiafia ai i mea latou te aoaoina.
Fautuaina le Aoaoina i le Aiga
Talu ai o le fale o le totonugalemu lea o le aoaoina o le talalelei, o se tasi o ou faamoemoega i le avea ai o se faiaoga o le Peraimeri o le faamalosiau atu lea o le aoao i le fale. E mafai faapefea ona e fesoasoani i tamaiti e faasoa atu i o latou aiga mea sa latou aoaoina i le vasega? E mafai faapefea ona e fautuaina tamaiti ma o latou matua e faaauau le aoao mai i le Feagaiga Fou i le fale?