“22--28 Aperila. Mataio 18; Luka 10; ‘Se A Se Mea Ou Te Faia Ou te Maua ai le Ola e Faavavau?’“ Sau, Mulimuli Mai ia te Au---Mo le Aoga Sa: Feagaiga Fou 2019 (2019)
“22--28 Aperila. Mataio 18; Luka 10,” Sau, Mulimuli Mai ia te Au---Mo le Aoga Sa: 2019
O Le Samaria Agalelei, saunia e Dan Burr
22--28 Aperila
Mataio 18; Luka 10
Se A Se Mea Ou Te Faia Ou te Mua ai le Ola e Faavavau
Faitau le Mataio 18 ma le Luka 10, ma tusi faamaumau ou lagona uunai faaleagaga. A o mauaina uunaiga, e mafai ona e fesili, e pei ona fautuaina ai e Elder Richard G. Scott, “Po i ai nisi mea e tatau ona ou iloa?” (“Ia Maua le Taitaiga Faaleagaga,” Ensign poo le Liahona, Nov. 2009, 8).
Tusifaamaumau Ou Lagona Uunai
Valaaulia le Fefaasoaai
O loo i ai i nei mataupu faataitaiga e tele o aoaoga ole talalelei e ese mai mea e aoao mai e le lalolagi ia i tatou. O a upumoni na maua e tagata o le vasega mai nei mataupu e faigata mo nisi tagata ona talia pe ola ai?
Aoao atu Aoaoga Faavae
E tatau ona tatou faamagalo atu isi pe afai tatou te fia maua le faamagaloga mai le Allii.
-
E i ai lava le taimi tatou te manaomia uma ai lava ona faamagalo atu se tasi sa faatiga mai ia i tatou. E mafai faapefea ona e faaaogaina le faataoto i le auauna le alofa e musuia ai lau vasega ina ia atili faamagalo atu? Atonu e mafai ona e tusia fesili e pei o nei i le laupapa ma valaaulia tagata o le vasega e manatunatu loloto iai a o toefaamatala e se tasi le faataoto: O ai e faatusa i ai le tupu? O ai e faatusa i ai le auauna le alofa? O le a le mea e faatusa i ai lana aitalafu? O ai e faatusa i ai le uso a auauna? O le a le mea e faatusa i ai lana aitalafu? O le faamatalaga e uiga i taleni ma le tenari ile “Punaoa Faaopoopo” e mafai ona maua ai e le vasega se manatu i le matua eseese o aitalafu e lua i le faataoto. Valaaulia tagata o le vasega e manatunatu loloto po o a savali a le faataoto o i ai mo i latou taitoatasi.
-
E mafai ona valaaulia le vasega e fatufatu se suiga o le faataoto i le auauna le alofa e aoao mai ai lesona e tasi e uiga i le faamagalo atu ae faaaoga ai tulaga ma faamatalaga faaonaponei. (Mafaufau e faagalulue i latou i ni vaega.) Talanoaina pe faapefea ona tali e le faataoto le fesili a Peteru e faafia ona faamagalo atu.
-
O le vitio “Forgive Every One Their Trespasses: The Parable of the Unmerciful Servant”LDS,org) e mafai ona fesoasoani i lau vasega e vaai faalemafaufau ai i le faataoto. E faaopoopo i le Mataio 18:35, e mafai ona fesoasoani mau nei i tagata o le vasega e malamalama ai i le mafuaaga e finagalo ai le Alii tatou te faamagalo atu i tagata uma o e agasala mai ia i tatou: Mataio 6:12–15; Efeso 4:32; ma le Mataupu Faavae ma Feagaiga 64:7–11
Ina ia maua le ola e faavavau e tatau ona tatou alolofa i le Atua ma alolofa i o tatou tuaoi.
-
O se manatu lea e ono maua ai e tagata o le vasega se vaaiga fou i le faataoto i le Samaria agalelei: Valaaulia i latou e manatu faapea o loo latou suesueina se mataupu o se faaoolima ma se gaoioiga i luga o le auala i le va o Ieriko ma Ierusalema. Fai i ni nai tagata o le vasega e o sauniuni e sui i tagata eseese oi le faataoto ma talanoa e uiga i lo latou aofia ai i le mataupu. Mo se faataitaiga, aisea na le tutu ai le ositaulaga ma le sa Levi e fesoasoani i le tagata manu’a? Aisea na tu ai le Samaria? O a ni mafaufauga sa mafai e le pule i le faletalimalo ona faaopoopo atu? O a lagona o le tagata manu’a i isi tagata taitasi? Ia mautinoa e musuia tagata o le vasega i le talanoaga ia faapei o le Samaria agalelei ma le pule i le faletalimalo ma aloese mai le pei o le ositaulaga ma le sa Levi. O le a se taimi na faapena ai lagona o tagata o le vasega pei o le “se tasi tagata,” sa matua manaomia lava se fesoasoani? Na faapefea ona o’o mai le fesoasoani? E faapefea e i tatou o ni tagata o le uarota ona galulue faatasi e fesoasoani i isi, faapei ona fai e le Samaria agalelei ma le pule o le faletalimalo?
-
E le gata i le aoao atu i le uiga o le alofa i o tatou tuaoi, o le faataoto ile Samaria agalelei e mafai foi ona faatusa i le mana o Iesu Keriso e faaolaina ai i tatou. (O faamatalaga e uiga i le faaliliuga e mafai ona maua ile “Punaoa Faaopoopo.”) E mafai ona valaaulia tagata ole vasega e faitau le faataoto, ma vaavaai mo uiga faafaatusa o le faataoto lenei ma isi. O a mea ua tatou aoao e uiga i le Faaola ma Lana Togiola ina ua tatou faitauina faapea le faataoto?
Tatou te filifili “lena mea lelei” i le faia o filifiliga i aso taitasi e tau atu i le ola e faavavau.
-
Ua tumu le lalolagi i mea aoga e fai. E mafai ona fesoasoani le tala ia Maria ma Mareta i tagata o le vasega e mafaufau pe faapefea ona filifili “lena mea lelei”(fuaiupu 42; tagai foi i le otootoga o lenei vaiaso i le Sau, Mulimuli Mai ia te Au—Mo Tagata Taitoaasi ma Aiga). A uma ona faitau faatasi le Luka 10:38--42 atonu e mafai ona e fesili i le vasega pe faapefea ona latou tali atu i le fautuaga a le Faaola pe a na fai o latou o Mareta? E ono aafia faapefea a latou filifiiga i le lumanai ona o lenei aafiaga? E mafai faapefea ona tatou iloa pe o a mea o “manaomia” i o tatou olaga? (Luka 10:42). E mafai faapefea ona fesoasoani le savali a Elder Dallin H. Oaks “Good, Better, Best” (Ensign po o le Liahona, Nov. 2007, 104–8) i tagata ole vasega?
Fautuaina le Aoaoina i le Aiga
Ta’u i lau vasega a o latou faitau i tautinoga a le Faaola e uiga i Lona lava paia i le Ioane 7--10 mo le vasega o le vaiaso a sau, e mafai ona latou iloa ma le mautinoa sili atu o Ia lava o le Keriso.
Punaoa Faaopoopo
Taleni ma le tenari.
E faigata ona iloa le tau sa’o o le aofaiga o tupe o loo ta’ua i le faataoto i le auauna le alofa (tagai Mataio 18:23--36). Peitai, e i ai faaiteite i le Feagaiga Fou e mafai ona fesoasoani tatou te malamalama ai ile eseesega tele i le va o le aitalafu e 100-tenari ma le aitalafu e 10,000 taleni.
O le uso a auauna i le faataoto sa laitiiti lana aitalafu e 100 tenari. I le Mataio 20:2, o se pene (o le segila o le upu tenari) O le mea lea semanu e tatau ona galue le uso a auauna mo le 100 aso e maua ai le 100 tenari e totogi ai lana aitalafu. Ae e matuai laitiiti tele lenei aofai pe a faatusatusa i le 10,000-taleni lea e nofoaitalafu ai le auauna le alofa. I le Mataio 25:14--15, o meatotino uma ia a se tagata---”ana oloa”---e tusa le tau ma le na o le valu taleni O le mea lea, sei iloga e tuufaatasi, le aofai o oa ua faaputuputu o le silia ma le 1,000 tagata e pei o lenei tagata e totogi ai le aitalafu a le auauna le alofa.
Sa fetalai Iesu e uiga i tupe ma le aitalafu e aoao atu ai le faamagalo atu.
O le aitalafu maoae na totogi e Iesu Keriso mo i tatou taitoatasi.
Sa faasoa mai e Jeffrey R. Holland le mea sa ia aoaoina e uiga i le faataoto i le auauna le alofa a o i ai i se vasega o le inisitituti:
“Sa matauina e [le faiaoga] o le faamagaloga e 100-tenari, lea sa faamoemoe tatou te tuuina uma atu e le tasi i le isi, ma faailoa faapea o se aofaiga lelei o le tupe, ua matua laitiiti tele nai lo le fesili atu ma le malamalama i le faamagaloga e 10,000-taleni sa tuuina mai e Keriso ia i tatou.
“O lena aitalafu mulimuli, la tatou aitalafu, o se aofaiga e matua tele naua, sa faamanatu mai ai e [le faiaoga] ia i matou, e toetoe lava ina a le mafai ona malamalama ai. Peitai, na ia fai mai, o le manatu tonu lava lena o aoaoga lenei a le Faaola, o se vaega taua o le faataoto. Sa faamoemoe Iesu ia maua e i latou e faalogologo ia te ia sina lagona itiiti o le itu e faavavau ma le meaalofa ofoofogia o lona alofa mutimutivale, o lana faamagaloga, o lana Togiola.
“… Mo le taimi muamua i lo’u olaga ou te manatua le lagonaina o se mea e uiga i le maoae o le osigataulaga a Keriso mo au---o se meaalofa e oo mai i le taimi nei e le malamalama i ai. Ae o se meaalofa ua faia ai au, mo le taimi muamua, e matua mafaufau toto’a i lo’u manaomia ona faamagalo isi tagata ma ia agalelei e le aunoa e tusa ai ma o latou lagona ma o latou manaoga ma o latou tulaga” (“Students Need Teachers to Guide Them” [Church Educational System satellite broadcast, June 20, 1992]).
O le faaliliuga a uluai Kerisiano o le faataoto i le Samaria agalelei.
I le tele o seneturi ua mavae, na maua ai e Kerisiano ia faatusa i le faataoto o le Samaria agalelei o loo aoao mai ai e uiga i le matafaioi a Iesu Keriso i le avea ai ma o tatou Faaola. Mo se faataitaiga, o le tagata na pa’u atu i lima o le au gaoi e mafai ona faatusa ia i tatou uma lava. O tagata gaoi e mafai ona faatusa i le agasala ma le oti. O le Samaria e mafai ona faatusa i le Faaola. O le faletalimalo e mafai ona faatusa i le Ekalesia, ma o le folafolaga a le Samaria e toe foi mai e mafai ona faatusa i le Afio Mai Faalua o le Faaola. (Tagai John W. Welch, “O Le Samaria Agalelei: O Faatusa Faagaloina,” Liahona, Fep. 2007, 40–47.)
Faaleleia o Lo Tatou Aoao Atu
Mulimuli i le faataitaiga a le Faaola. A o e faitauina ia tala i le Faaola o loo aoao atu i le Feagaiga Fou, vaavaai mo lesona i Lana faataitaiga lea e mafai ona fesoasoani e avea ai oe ma faiaoga sili atu. Mo se faataitaiga, i le Luka 10:25--37, o le a le mea na faia e Iesu e aoao atu ai le faitulafono e uiga i le auala e maua ai le ola e faavavau?