मुक्ति र उत्कर्षको कार्यमा परमेश्वरको योजना र तपाईंको भूमिका

तपाईंलाई पछिल्ला दिनका सन्तहरूको येशू ख्रीष्टको चर्चमा सेवा गर्न बोलावट गरिएको छ । तपाईँको सेवाका लागि धन्यवाद आस्थापूर्वक सेवा गर्दा तपाईंले जीवनहरूलाई आशीर्वाद दिनुहुने छ र तपाईंले आनन्दको अनुभव गर्नुहुने छ ।

यस पुस्तिकाले तपाईंलाई ख्रीष्टको जस्तै सेवाका सिद्धान्तहरू सिक्न र तपाईंको उत्तरदायित्वहरू बुझ्न सहयोग गर्ने छ । तपाईं सबैभन्दा प्रभावकारी हुनुहुने छ जब तपाईंले चर्चमा आफ्नो सेवालाई परमेश्वर पिता र उहाँको पुत्र येशू ख्रीष्टको कार्यसँग समायोजन गर्नुहुन्छ ।

स्वर्गका पिताले हामीलाई उहाँका सबै आशीर्वादहरूको आनन्द लिन सक्षम बनाउनका लागि खुशीको योजना प्रदान गर्नुभयो । उहाँको कार्य र महिमा “मानिसको अमरत्व र अनन्त जीवन ल्याउनु” हो (मोसा १:३९) ।

येशू ख्रीष्ट परमेश्वरको योजनाको केन्द्रबिन्दु हुनुहुन्छ । स्वर्गका पिताको हामीप्रतिको असीम प्रेमका कारणले गर्दा, उहाँले आफ्नो प्रायश्चितको बलिदानद्वारा हामीलाई पाप र मृत्युबाट छुटकारा दिन आफ्नो पुत्र पठाउनुभयो (हेर्नुहोस् यूहन्ना ३:१६) । उहाँको प्रायश्चितद्वारा, येशू ख्रीष्टले यो सुनिश्चित गर्नुहुन्छ कि पृथ्वीमा जन्मेका हामी प्रत्येक पुनरुत्थान हुने छौँ र अमरत्व प्राप्त गर्ने छौँ । उहाँको प्रायश्चितले हामीलाई पापबाट शुद्ध हुन र हाम्रो हृदय परिवर्तन गर्न सम्भव बनाउँछ ताकि हामीले अनन्त जीवन र आनन्दको पूर्णता प्राप्त गर्न सक्छौँ ।

अनन्त जीवन प्राप्त गर्नका लागि हामीले “ख्रीष्टमा आउनै पर्छ र उहाँमा परिपूर्ण हुनु पर्दछ” (मोरोनी १०:३२) ।

जब हामी ख्रीष्टकहाँ आउँछौँ र अरूहरूलाई पनि त्यसै गर्न सहयोग गर्दछौँ, हामी परमेश्वरको मुक्ति र उत्कर्षको कार्यमा सहभागी हुन्छौँ । यो कार्य परमेश्वरलाई प्रेम गर्ने र हाम्रा छिमेकीहरूलाई प्रेम गर्ने दुई महान् आज्ञाहरूद्वारा निर्देशित छ (हेर्नुहोस् मत्ती २२:३७-३९) ।

मुक्ति र उत्कर्षको कार्य चारवटा दैवी उत्तरदायित्वहरूमा केन्द्रित छ ।

यो पुस्तिकाले तपाईंलाई परमेश्वरको कार्यका यी चार पक्षहरू बुझ्न सहयोग गर्ने छ । तपाईंले तिनीहरूलाई पूरा गर्न आफ्नो भूमिका निर्वाह गर्दा पवित्र आत्माले तपाईंलाई मार्गदर्शन गर्ने छ (हेर्नुहोस् २ नफी ३२:५) ।

येशू ख्रीष्टले व्यक्ति र परिवारलाई मुक्ति र उत्कर्षको कार्य गर्न सक्षम बनाउन आफ्नो चर्च स्थापना गर्नुभयो ( एफिसी ४:११-१३; यस पुस्तिकामा २.२ पनि हेर्नुहोस्) । यो दैवी उद्देश्य पूरा गर्न सहयोग गर्न, चर्च र यसका अगुवाहरूले यी प्रदान गर्छन्:

• पादरित्व अधिकार र साँचाहरू ।

• करार र विधिहरू ।

• भविष्यसूचक मार्गदर्शन ।

• धर्मशास्त्रहरू ।

• सुसमाचार शिक्षा र शिक्षण सहयोग ।

• सेवा र नेतृत्व गर्ने सुअवसरहरू ।

• सन्तहरूको समुदाय ।

तिनीहरू मुक्ति र उत्कर्षको कार्यमा संलग्न हुँदा चर्चका अगुवाका रूपमा, तपाईंले सेवा गर्नेहरूलाई शिक्षण र समर्थन गर्न तपाईंलाई बोलावट गरिन्छ (हेर्नुहोस् १.२) । तपाईं आफ्नो बोलावट पूरा गर्न र “परमेश्वरको वचनलाई सबै लगनशीलताका साथ सिकाउन … “ उत्तरदायी हुनुहुन्छ (याकूब १:१९) । परमप्रभुसँग उहाँको अङ्गुरको बगैँचामा परिश्रम गर्दा तपाईंलाई महान् आनन्द मिल्ने छ (हेर्नुहोस् याकूब ५:७०-७२) ।

परमेश्वरको कार्य, उहाँले तपाईंलाई के गर्न आमन्त्रण गर्नुहुन्छ र उहाँको चर्चको उद्देश्यको स्पष्ट बुझाइले तपाईंलाई आत्माहरूलाई ख्रीष्टमा ल्याउने तपाईंको प्रयासहरूमा ध्यान केन्द्रित गर्न सहयोग गर्ने छ ।

प्रायश: यस अध्यायका सिद्धान्तहरूलाई सन्दर्भ गर्नुहोस् । तपाईंले सेवा गर्नेहरूको जीवनमा परमेश्वरको उद्देश्यहरू पूरा गर्न तपाईंले कसरी सहयोग गर्न सक्नुहुन्छ भनेर प्रार्थनापूर्वक बुझ्न खोज्नुहोस् । परमेश्वरले तपाईंलाई पवित्र आत्माको प्रोत्साहनद्वारा निर्देशन दिनुहुने छ ।