యాజకత్వ సూత్రాలు

మెల్కీసెదెకు యాజకత్వము అనేది “దేవుని కుమారుని క్రమముననుసరించిన పరిశుద్ధ యాజకత్వము” (సిద్ధాంతము మరియు నిబంధనలు 107:3). ఈ శక్తి చేత దేవుని కుమారులు మరియు కుమార్తెలు ఆయన వలె కాగలరు (సిద్ధాంతము మరియు నిబంధనలు 84:19–21; 132:19–20 చూడండి).

ఈ అధికారము ద్వారా, సంఘ నాయకులు సంఘము యొక్క ఆధ్యాత్మిక కార్యములన్నిటిని నడిపిస్తారు మరియు నిర్వహిస్తారు (సిద్ధాంతము మరియు నిబంధనలు 107:18 చూడండి).

స్టేకు అధ్యక్షుడు స్టేకులో అధ్యక్షత్వం వహించే ప్రధాన యాజకుడు (సిద్ధాంతము మరియు నిబంధనలు 107:8, 10 చూడండి; ఈ చేతిపుస్తకంలో 6వ అధ్యాయము కూడా చూడండి). బిషప్పు వార్డులో అధ్యక్షత్వం వహించే ప్రధాన యాజకుడు (సిద్ధాంతము మరియు నిబంధనలు 107:17 చూడండి; ఈ చేతిపుస్తకంలో 7వ అధ్యాయము కూడా చూడండి).

మెల్కీసెదెకు యాజకత్వము యొక్క స్థానాలు మరియు బాధ్యతల గురించి సమాచారము కొరకు, 8.1 చూడండి.

అహరోను యాజకత్వము అనేది “మెల్కీసెదెకు యాజకత్వమునకు … అనుబంధము” (సిద్ధాంతము మరియు నిబంధనలు 107:14). అది ఈ తాళపుచెవులను కలిగియున్నది:

• దేవదూతల పరిచర్య.

• పశ్చాత్తాపము యొక్క సువార్త.

• పాప క్షమాపణ నిమిత్తము బాప్తిస్మముతో కలిపి బాహ్యవిధులను నిర్వహించుట.

(సిద్ధాంతము మరియు నిబంధనలు 13:1; 84:26–27; 107:20 చూడండి.)

బిషప్పు వార్డులో అహరోను యాజకత్వానికి అధ్యక్షుడు (సిద్ధాంతము మరియు నిబంధనలు 107:15 చూడండి).

అహరోను యాజకత్వము యొక్క స్థానాలు మరియు బాధ్యతల గురించి సమాచారము కొరకు, 10.1.3 చూడండి.

యాజకత్వ తాళపుచెవులు అనగా దేవుని పిల్లల తరఫున యాజకత్వ ఉపయోగాన్ని నడిపించే అధికారము.

యాజకత్వ తాళపుచెవులు కలిగియున్న వారి మార్గదర్శకత్వం క్రింద, సంఘము యొక్క యోగ్యులైన పురుష సభ్యులకు అహరోను యాజకత్వము మరియు మెల్కీసెదెకు యాజకత్వము అనుగ్రహించబడుతుంది (సిద్ధాంతము మరియు నిబంధనలు 84:14–17 చూడండి). సరియైన యాజకత్వము అనుగ్రహించబడిన తర్వాత, ఆ వ్యక్తి ఆ యాజకత్వములో పరిచారకుడు లేదా ఎల్డరు వంటి ఒక స్థానానికి నియమించబడతాడు. యాజకత్వము కలిగియున్న ఒకరు ఆ స్థానము యొక్క హక్కులు మరియు విధుల ప్రకారము యాజకత్వాన్ని వినియోగిస్తారు (సిద్ధాంతము మరియు నిబంధనలు 107:99 చూడండి).

యాజకత్వ అనుగ్రహము మరియు నియామకము గురించి అధిక సమాచారము కొరకు 8.1.1 మరియు 18.10 చూడండి.

నీతి యందు మాత్రమే ఈ అధికారము ఉపయోగించబడగలదు (సిద్ధాంతము మరియు నిబంధనలు 121:36 చూడండి). ప్రేరేపణ, దీర్ఘ శాంతము, మృదుత్వము, సాత్వికము, ప్రేమ మరియు దయతో ఇది వినియోగించబడుతుంది (సిద్ధాంతము మరియు నిబంధనలు 121:41–42 చూడండి).

యాజకత్వ అధికారమును వినియోగించేవారు ఇతరులపై తమ ఇష్టాన్ని బలవంతంగా రుద్దరు. స్వార్థపూరిత ఉద్దేశాల కొరకు వారు దీనిని ఉపయోగించరు.

నిబంధన అనేది దేవునికి మరియు ఆయన పిల్లలకు మధ్య ఒక పవిత్ర వాగ్దానము. దేవుడు నిబంధన కొరకు షరతులను ఇస్తారు మరియు ఆయన పిల్లలు ఆ షరతులకు లోబడతామని అంగీకరిస్తారు. ఆయన పిల్లలు నిబంధనను నెరవేర్చినప్పుడు వారిని దీవిస్తానని దేవుడు వాగ్దానం చేస్తారు.

తమ నిబంధనలను పాటించడంలో అంతము వరకు సహించే వారందరు నిత్యజీవాన్ని పొందుతారు (2 నీఫై 31:17–20; సిద్ధాంతము మరియు నిబంధనలు 14:7 చూడండి).

వ్యక్తులు సువార్త యొక్క విధులను పొందినప్పుడు నిబంధనలు చేయడానికి సిద్ధపడేందుకు తల్లిదండ్రులు, సంఘ నాయకులు మరియు ఇతరులు వారికి సహాయపడతారు. తాము చేసే నిబంధనలను అతడు లేదా ఆమె అర్థం చేసుకున్నారని వారు నిశ్చయపరుస్తారు. ఒక వ్యక్తి ఒక నిబంధన చేసిన తర్వాత, దానిని పాటించడానికి వారు అతడు లేదా ఆమెకు సహాయపడతారు. (మోషైయ 18:8–11, 23–26 చూడండి.)

విధి అనేది యాజకత్వ అధికారము చేత నిర్వహించబడే ఒక పవిత్ర కార్యము.

అనేక విధులలో, వ్యక్తులు దేవునితో నిబంధనలు చేస్తారు. ఉదాహరణలలో బాప్తిస్మము, సంస్కారము, వరము మరియు వివాహ ముద్రణ విధి ఉన్నాయి.

రక్షణ మరియు ఉన్నతస్థితి యొక్క విధులు నిత్యజీవానికి ఆవశ్యకమైనవి. మరింత సమాచారము కొరకు, 18.1 చూడండి.