ආරෝනික පූජකවර ගණපූරණ

ගණපූරණයක අරමුණ වන්නේ ගැලවීමේ සහ උත්කර්ෂවත් වීමේ කාර්යය ඉටු කිරීම සඳහා පූජකවරය දරන්නන්ට එකට එක්ව වැඩ කිරීමට උපකාර කිරීමයි.

“මම දෙවියන්වහන්සේගේ ප්‍රේමණීය පුත්‍රයෙක් වෙමි, එමෙන්ම .මා ලවා කරගැනීමට උන්වහන්සේට කාර්යයක් ඇත.

“මගේ මුළු හදවතින්, බලයෙන්, මනසින් සහ ශක්තියෙන්, මම දෙවියන්වහන්සේට ප්‍රේම කරමි, මගේ ගිවිසුම් තබන්නෙමි, එමෙන්ම මගේම නිවසින් පටන්ගෙන අන් අයට සේවය කිරීමට උන්වහන්සේගේ පූජකවරය භාවිතා කරන්නෙමි.

“මම සෑම දිනකම සේවය කිරීමට, ඇදහිල්ල ක්‍රියාත්මක කිරීමට, පසුතැවිලි වීමට, සහ දිනපතා වැඩිදියුණු වීමට උත්සාහ කරන විට, දේවමාළිගාවේ ආශිර්වාද සහ ශුභාරංචියේ නොනිමෙන ප්‍රීතිය ලැබීමට මම සුදුසුකම් ලබමි.

“යේසුස් ක්‍රිස්තුස්වහන්සේගේ සැබෑ අනුගාමිකයෙකු වීමෙන් උත්සහවන්ත ධර්මදූතයෙකු, විශ්වාසවන්ත ස්වාමිපුරුෂයෙකු සහ ආදරණීය පියෙකු වීමට මම සූදානම් වෙමි.

“ක්‍රිස්තුස්වහන්සේ වෙත පැමිණීමටත් උන්වහන්සේගේ වන්දිගෙවීමේ ආශිර්වාද ලබාගන්නටත් සියලුදෙනාටම ආරාධනා කිරීමෙන් ගැලවුම්කරුවාණන්ගේ නැවත පැමිණීම සඳහා ලෝකය සූදානම් කිරීමට මම උපකාර කරමි.

මෙම යතුරු පිළිබඳ වැඩි විස්තර සඳහා, 3.4.1 බලන්න.

තරුණ පිරිමි ළමුන් කිහිප දෙනෙකු සිටින කොට්ඨාශයක හෝ ශාඛාවක, ආරෝනික පූජකවර ගණපූරණ වලට උපදෙස් සහ ක්‍රියාකාරකම් සඳහා එකට එක්ව රැස්විය හැකිය.

“සියලු තාවකාලික දේවල් ක්‍රියාත්මක කිරීම උදෙසා” ආරෝනික පූජකවරය දරන්නන් සභානායකවරයාට සහාය වේ (දහම සහ ගිවිසුම් 107:68). ඔවුන්ගේ පවුල් තුළ සහ ඔවුන්ගේ පවුල් සමඟ, යෞවන ක්‍රියාකාරකම් අතරතුරදී සහ ඔවුන් විසින්ම අන් අයට සේවය කිරීමට ඔවුන්ට ක්‍රමවත් අවස්ථා තිබිය යුතුය.

“ක්‍රිස්තුස්වහන්සේ වෙතට පැමිණෙන ලෙස සියල්ලන්ට ආරාධනා කිරීමට” ආරෝනික පූජකවරය දරන්නන්ට යුතුකමක් ඇත (දහම සහ ගිවිසුම් 20:59).

පූර්ණ කාලීන ධර්මදූතයක සේවය කිරීමට සහ ඔවුන්ගේ ජීවිත කාලය පුරාම ශුභාරංචිය බෙදා ගැනීමට සූදානම් වන ලෙස දෙමාපියන් සහ නායකයින් තරුණ පිරිමි ළමුන්ව දිරිමත් කරති.

සදාකාලිකව පවුල් එක්සත් කිරීමට බොහෝ ආකාරවලින් උපකාර කිරීමට ආරෝනික පූජකවරය දරන්නන්ට හැකියාව ඇත.

• ඔවුන්ගේ දෙමාපියන්ට ගෞරව කර ඔවුන්ගේ නිවෙස් තුළ ක්‍රිස්තුස්වහන්සේගේ ආකාරයට ජීවත් වීම සම්බන්ධයෙන් ආදර්ශයක් තැබීමෙන්.

• සදාකාලික විවාහය ඇතුළු දේවමාළිගා නියෝග ලබා ගැනීමට සූදානම් වීමෙන්.

• දේවමාළිගා නියෝග අවශ්‍ය මුතුන් මිත්තන් හඳුනා ගැනීමෙන් (බලන්න FamilySearch.org).

• තත්වයන් ඉඩ දෙන සෑම විටම මළවුන් සඳහා බව්තීස්ම සහ ස්ථිර කිරීම් වලට සහභාගී වීමෙන්.

පූජක ගණපූරණය මෙහෙයවීම සඳහා සභානායකවරයා විසින් ඔහුගේ සහයකයින් වීම සඳහා පූජකවරුයෙකුව හෝ දෙදෙනෙකුව කැඳවනු ලබයි.

සභානායකත්වයේ සාමාජිකයෙකු විසින් උපස්ථායක සහ ගුරු ගණපූරණ සභාපතිවරුන්ව කැඳවනු ලබයි. සේවය කිරීමට ප්‍රමාණවත් ආරෝනික පූජකවරය දරන්නන් සිටින විට, මෙම තරුණ පිරිමි ළමුන් විසින් උපදේශකවරුන් සහ ලේකම්වරයෙකුව නිර්දේශ කිරීම සඳහා යාච්ඤාවෙන් යුතුව සලකා බලයි.

මෙම කැඳවීම් ලබාදීමෙන් පසු, සභානායකත්වයේ සාමාජිකයෙකු විසින් එම යෞවන ගණපූරණ නායකයින්ව ස්ථිර කිරීම සඳහා ඔවුන්ගේ ගනපූරණ රැස්වීමේදී ඉදිරිපත් කරනු ලබයි. සභානායකවරයා විසින් ඔහුගේ සහායකයින්ව සහ උපස්ථායක සහ ගුරු ගණපූරණ සභාපතිවරුන්ව වෙන් කරනු ලබයි. ඔහු ගණපූරණ සභාපතිවරුන් මත පූජකත්ව යතුරු පිරිනමයි. අනෙකුත් සභාපතිත්ව සාමාජිකයින්ව සහ ලේකම්වරුන්ව වෙන් කිරීමට ඔහුට තම උපදේශකයින්ට පැවරිය හැකිය.

• ගැලවීමේ සහ උත්කර්ෂවත් වීමේ කාර්යයට සහභාගී වීමට ගණපූරණයේ උත්සාහයන් මෙහෙයවීම (බලන්න 1 වෙනි පරිච්ඡේදය).

• ගණපූරණ රැස්වීම්වලට නොපැමිණෙන අය ඇතුළුව, සෑම ගණපූරණ සාමාජිකයෙකුවම දැන හඳුනාගැනීම සහ ඔවුන්ට සේවය කිරීම.

• කොට්ඨාශ යෞවන මන්ත්‍රණ සභාවේ සේවය කිරීම (බලන්න 10.4.4).

• ගණපූරණ සාමාජිකයින්ට ඔවුන්ගේ පූජකවර යුතුකම් පිළිබඳව ඉගැන්වීම (බලන්න දහම සහ ගිවිසුම් 107: 85–88).

• ගණපූරණ රැස්වීම් සැලසුම් කිරීම සහ පැවැත්වීම (බලන්න 10.2.1.2).

• ගණපූරණ සේවා සහ ක්‍රියාකාරකම් සැලසුම් කිරීම සහ ක්‍රියාත්මක කිරීම (බලන්න 10.2.1.3).

ආරෝනික පූජකවර ගණපූරණ සභාපතිවරුන් ක්‍රමවත්ව හමුවේ. ගණපූරණ සභාපතිවරයා විසින් මෙම රැස්වීම් මෙහෙයවනු ලබයි. මේ සඳහා අවම වශයෙන් වැඩිහිටියන් දෙදෙනෙකු සහභාගී වේ—සභානායකත්වයේ සාමාජිකයෙක්, උපදේශකයෙක් හෝ විශේෂඥයෙක්.

කොට්ඨාශ යෞවන මන්ත්‍රණ සභාව පිළිබඳ වැඩි විස්තර සඳහා 29.2.6 බලන්න.

වැඩිහිටියන් සභාවේ සැකසුම් තුළ යෞවනයන් සමඟ අන්තර් ක්‍රියා කරන විට, අවම වශයෙන් වගකිවයුතු වැඩිහිටියන් දෙදෙනෙකු සහභාගී වී සිටිය යුතුය.

යෞවනයින් සමඟ වැඩ කරන සියලුම වැඩිහිටියන් ළමා හා යෞවන ආරක්‍ෂාව පිළිබඳ පුහුණුව ස්ථිර වී මාසයක් ඇතුළත සම්පූර්ණ කළ යුතුය (ProtectingChildren.ChurchofJesusChrist.org).