सुसमाचार प्रचारक सिफारिसहरू र सेवा

अधिकांश युवा सुसमाचार प्रचारकहरूलाई घरबाट टाढा सुसमाचार सिकाउन नियुक्त गरिएको हुन्छ । यी कार्यभारहरू प्रेरितहरूलाई प्रकाशद्वारा दिइएको हो । यी सुसमाचार प्रचारकहरूले सुसमाचार प्रचार अध्यक्षको निर्देशनमा सेवा गर्छन् ।

केही युवा सुसमाचार प्रचारकहरूलाई घरमै बसेर चर्च र समुदायमा सेवा गर्न नियुक्त गरिएको हुन्छ । यी कार्यभारहरू प्रेरितहरूलाई प्रकाशद्वारा दिइन्छ र सेवा सुसमाचार प्रचारका लागि उपयुक्त परिस्थितिहरू भएका उम्मेद्वारहरूलाई दिइन्छ (हेर्नुहोस् २४.३.३) ।

सबै प्रौढ सुसमाचार प्रचारकहरूलाई मानिसहरूलाई सिकाउन र बप्तिस्माका लागि तयारी गर्नका लागि सहयोग गर्न प्रोत्साहन गरिन्छ । प्रौढ सुसमाचार प्रचारकहरूलाई यी विषयहरूमा सहयोगकालागि पनि नियुक्त गर्न सकिन्छ:

• सदस्यहरू र क्षेत्रीय र स्थानीय अगुवाहरू ।

• चर्चका विभाग र सुविधाहरू ।

• परोपकारी संस्थाहरू ।

प्रौढ सुसमाचार प्रचारकहरूलाई सोही समयसम्म कार्य गर्न, उस्तै क्रियाकलापहरू गर्न वा युवा सुसमाचार प्रचारकहरूको जस्तै अपेक्षाहरू पूरा गर्न भनिंदैन ।

प्रौढ सुसमाचार प्रचारकहरूका लागि कार्यभारहरू प्रेरितहरूलाई प्रकाशद्वारा दिइन्छ । उम्मेद्वारहरूले कार्यभारका लागि प्राथमिकता उल्लेख गर्न सक्छन् तर कुनै पनि कार्यभार स्वीकार गर्न इच्छुक हुनुपर्छ ।

आफ्नो गृह वार्ड वा किलामा बोलावटका अतिरिक्त, सदस्यहरूले सेवा गर्ने प्रौढ सुसमाचार प्रचारकहरूका रूपमा परमप्रभुको सेवा गर्न सक्छन् । यी सुसमाचार प्रचारकहरूले चर्चका विभागहरू, सुविधाहरू र सुसमाचार प्रचारहरूमा बहुमूल्य सेवा प्रदान गर्छन् (हेर्नुहोस् २४.७.१) । तिनीहरू घरमै बस्छन् ।

सेवा गर्ने प्रौढ सुसमाचार प्रचारकहरू किला अध्यक्षद्वारा बोलावट गरिन्छ । तिनीहरूले उनको निर्देशनमा सेवा गर्छन् । तिनीहरूले प्रत्येक हप्ता सेवा गर्ने समय तिनीहरूको क्षमता, तिनीहरूको क्षेत्रमा सेवाका अवसरहरू र क्षेत्रीय अध्यक्षताको निर्देशनमा निर्भर गर्छ ।

निम्न तालिकामा सुसमाचार प्रचारकका कार्यभारहरूका प्रकारहरू संक्षेपमा दिइएको छ ।

सम्भावित सुसमाचार प्रचारकहरूले येशू ख्रीष्ट र उहाँको पुनर्स्थापित सुसमाचारमा आफ्नो परिवर्तनलाई मजबुत बनाउन प्रयास गर्छन् ।

सम्भावित सुसमाचार प्रचारकहरू आत्माको मित्रताको योग्य हुन प्रयास गर्छन् । यो प्रभावकारी सुसमाचार प्रचार सेवाका लागि आवश्यक छ (हेर्नुहोस् सिद्धान्त र करार ४२:१३-१४) ।

सुसमाचार प्रचारको कार्य चुनौतीपूर्ण छ । युवा शिक्षण सुसमाचार प्रचारकहरू पूर्णकालीन सुसमाचार प्रचार तालिकामा कार्य गर्न शारीरिक, मानसिक र संवेतात्मक रूपमा सक्षम हुनुपर्छ ।

परिवारका सदस्यहरू, बिशपहरू र अन्य अगुवाहरूले युवाहरूलाई सुसमाचार प्रचारको सेवा गर्न तयारी गर्नका लागि सहयोग गर्छन् ।

परिवारका सदस्यहरू र अगुवाहरूले सबै सुसमाचार प्रचार उम्मेद्वारहरूलाई अध्ययन गर्न प्रोत्साहन गर्छन्:

• मोर्मोनको पुस्तक र अन्य धर्मशास्त्रहरू ।

• मेरो सुसमाचार प्रचार गर) ।

• प्रविधिको प्रयोग गर्नका लागि सुरक्षाहरू) ।

परिवारका सदस्यहरू र अगुवाहरूले सबै उम्मेद्वारहरूलाई सुसमाचार प्रचारको स्तरहरू अनुशरण गर्न प्रतिवद्ध रहन सहयोग गर्छन् । तिनीहरूले उम्मेद्वारहरूलाई उनीहरूको सम्भावित कार्यभारसँग सम्बन्धित सुसमाचार प्रचार मानक पुस्तिका अध्ययन गर्न प्रोत्साहन गर्छन्:

• युवा शिक्षण सुसमाचार प्रचारकहरूका लागि: येशू ख्रीष्टका अनुयायीहरूका सुसमाचार प्रचारकका मानकहरू

तिनीहरूको स्वास्थ्य तयारीको चिकित्सा पेशेवरहरूद्वारा सबै उम्मेद्वारहरूको मूल्याङ्कन गरिनु आवश्यक छ ।

बिशप र किला अध्यक्षले प्रत्येक उम्मेद्वारसँग राम्ररी, आध्यात्मिक खोजी र उत्थान गर्ने अन्तर्वार्ताहरू सञ्चालन गर्छन् । तिनीहरूले सुसमाचार प्रचारक सिफारिस अन्तर्वार्ताका प्रश्नहरूप्रयोग गर्छन् ।

बिशप र किला अध्यक्षले योग्यता र स्वास्थ्य तयारीको मापदण्डका सम्बन्धमा सुसमाचार प्रचारक अनलाइन सिफारिस प्रणाली)बाट जानकारीको समीक्षा पनि गर्छन् । बिशप र किला अध्यक्षले योग्यताका कुनै पनि मापदण्डहरू थप्दैनन् । न त तिनीहरूले अन्तर्वार्ताका प्रश्नहरू परिवर्तन गर्छन् ।

यदि बिशप र किला अध्यक्षलाई उम्मेद्वारले योग्यताका मापदण्ड पूरा गर्ने वा उनको स्वास्थ्य तयारीका सम्बन्धमा चिन्ता छ भने तिनीहरूले सँगै र व्यक्तिसँग सल्लाह गर्छन् । युवा उम्मेद्वारको अनुमति लिएर तिनीहरूले उनका अभिभावकसँग पनि सल्लाह गर्न सक्छन् । बिशप र किला अध्यक्षले व्यक्तिले गम्भीर पापको पश्चात्ताप नगरेसम्म सिफारिस पेश गर्दैनन् (हेर्नुहोस् २४.३.२.१)। व्यक्तिको शारीरिक, मानसिक वा संवेगात्मक स्वास्थ्यमा निर्भर गर्दै, तिनीहरूले सेवा सुसमाचार प्रचारकका रूपमा नियुक्त हुने सम्भावनाका सम्बन्धमा छलफल गर्न सक्छन् ।

आपत्कालीन अवस्थामा जब बिशप वा किला अध्यक्ष उपलब्ध छैनन् उनले यी अन्तर्वार्ताहरू सञ्चालन गर्न आफ्ना सल्लाहकारहरू मध्ये एकलाई अधिकार दिन सक्छन् ।

जिल्लाहरूमा, सुसमाचार प्रचार क्षेत्राध्यक्ष वा नियुक्त सल्लाहकारले सुसमाचार प्रचार उम्मेद्वारहरूको अन्तर्वार्ता लिन्छन् र सिफारिस गर्छन् । जिल्ला अध्यक्षहरूले यी अन्तर्वार्ताहरू सञ्चालन गर्दैनन् ।

कहिलेकाहीँ सेवा गर्न चाहने सदस्यलाई पूर्णकालीन सुसमाचार प्रचारकका रूपमा बोलावट गरिंदैन । यो स्वास्थ्य चुनौतीहरू, योग्यताका मापदण्डहरू पूरा नगर्ने, कानुनी विषयहरू वा अन्य परिस्थितिहरूका कारण हुन सक्छ । किला अध्यक्षले उनलाई पूर्णकालीन सुसमाचार प्रचारक सेवाबाट माफी दिन सक्छन् ।

यदि भर्खरै बोलावट गरिएका सुसमाचार प्रचारकहरूले मन्दिरको अभिदान विधि प्राप्त गरेका छैनन् भने तिनीहरूले सम्भव भएसम्म सुसमाचार सेवा सुरू गर्नु अघि त्यसो गर्नुपर्छ (हेर्नुहोस् सिद्धान्त र करार ४३:१५-१६; १०५:३३) । यदि तिनीहरूको परिस्थितिका लागि उपयुक्त छ भने यसमा सेवा गर्ने सुसमाचार प्रचारकहरू समावेश हुन्छन् ।

भर्खरै बोलावट गरिएका सुसमाचार प्रचारकहरूले उचित भएमा सुसमाचार प्रचार सेवा सुरू गर्नुपूर्व मन्दिरका विधि कार्य गर्नेहरूका रूपमा सेवा गर्न सक्छन् (हेर्नुहोस् २५.५) ।

बिशपरिकले भर्खरै बोलावट गरिएका सुसमाचार प्रचारकहरूलाई तिनीहरूको सुसमाचार प्रचारकोसेवा सुरू गर्नुपूर्व प्रभुभोजका सभामा बोल्न आमन्त्रण गर्छन् । यो नियमित प्रभुभोज सभा हो । ध्यान प्रभुभोज र मुक्तिदातामा हुनुपर्छ ।

गृह किला अध्यक्षले प्रत्येक सुसमाचार प्रचारकलाई सम्भव भएसम्म आफ्नो सुसमाचार प्रचार सुरू हुने मितिको नजिकैको दिनमा पदीय जिम्मेवारी दिन्छन् । अत्यावश्यक अवस्थामा जब किला अध्यक्ष अनुपलब्ध छन् भने उनले आफ्ना सल्लाहकारहरू मध्ये एकलाई सुसमाचार प्रचारकहरूलाई पदीय जिम्मेवारी दिन सक्छन् ।

सुसमाचार प्रचार क्षेत्राध्यक्ष वा उनका सल्लाहकारहरू मध्ये एकले आफ्नो सुसमाचार प्रचारका जिल्लाहरूबाट बोलावट गरिएका सुसमाचार प्रचारकहरूलाई पदीय जिम्मेवारीहरू दिन्छन् । जिल्ला अध्यक्षले सुसमाचार प्रचारकहरूलाई पदीय जिम्मेवारी दिँदैनन् ।

घरबाट टाढा गएर सेवा गर्ने बन्धुले सुसमाचार प्रचारकका रूपमा पदीय जिम्मेवारी प्राप्त गर्नुपूर्व मल्कीसेदेक पादरित्व प्राप्त गरेको हुनुपर्छ । सेवा गर्ने सुसमाचार प्रचारकका रूपमा सेवा गर्ने बन्धुले आफ्नो परिस्थितिअनुसार उपयुक्त भएमा मल्कीसेदेक पादरित्व धारण गर्नुपर्छ ।

बिशप, किला अध्यक्ष र सेवा गर्ने सुसमाचार प्रचारकले सेवा गर्नका लागि स्थानीय अवसरहरू पहिचान गर्न सँगै सल्लाह गर्छन् । सेवा गर्ने युवा सुसमाचार प्रचारकहरूका लागि, सेवा गर्ने एक सुसमाचार प्रचारक अगुवा र सुसमाचार प्रचारकका अभिभावकहरू वा संरक्षकहरू छलफलमा सहभगी हुन्छन् ।

किला अध्यक्षले सुसमाचार प्रचारकहरूलाई मुक्त गर्छन् र मुक्त गर्ने अन्तर्वार्ता लिन्छन् । जिल्लाहरूमा, सामान्यतया सुसमाचार प्रचार क्षेत्राध्यक्ष वा नियुक्त सल्लाहकारले सुसमाचार प्रचारकहरूलाई मुक्त गर्छन् ।

यस अन्तर्वार्ताका लागि निम्न मार्गदर्शनशहरू उपयोगी हुन सक्छन् ।

• तिनीहरूलाई येशू ख्रीष्टको आजीवन अनुयायीका रूपमा निरन्तरता दिन प्रोत्साहन गर्नुहोस् ।

• तिनीहरूलाई सुसमाचार प्रचारकका रूपमा विकास गरेका असल बानीहरू निर्माण गर्न परामर्श दिनुहोस् ।

• युवा सुसमाचार प्रचारकहरूका लागि शिक्षा र रोजगारी सहित भविष्यका लागि विचार गर्न र तयारी गर्न तिनीहरूलाई प्रोत्साहन गर्नुहोस् ।

• तिनीहरूलाई सदैव मन्दिर अनुमति-पत्रका लागि योग्य जीवन जिउनका लागि प्रोत्साहन गर्नुहोस् ।

अगुवाहरूले हालै मुक्त भएका सुसमाचार प्रचारकहरूलाई तत्कालै सेवाका उत्तरदायित्वहरू र बोलावटहरू दिन्छन् । यसमा उपयुक्त भएमा मन्दिरका विधिमा कार्य गर्नेहरूका रूपमा विचार गरिनु समावेश छ (हेर्नुहोस् २५.५) ।

• MissionaryRecommendations.ChurchofJesusChrist.org (स्थानीय अगुवाहरू र सुसमाचार प्रचारक उम्मेद्वारहरूका लागि मात्रै उपलब्ध छ)